Merkezê Îrtîbatî û Çapemenîye yê HPGyî derheqê hêrişê artêşa tirke û çalakîyanê gerîlayan de eşkerayîye daye û nê vatî:

''11ê teşrîna verêne de îşxalkeranê ke waşt mewzîyanê şerî yê Şehîd Xursî yê Warê Xoverdayîşî yê Saca bidê bombayan ver hetê hêzanê ma ra ameyî hedefgirewtene. Îşxalkerî mecbûr mendê ke teqabêrê xo caverdê û biremê. Hêzanê ma destnê teqbarê înan ê ê tîpê Kortex, TNT û C3yî ser. Eynî roje Warê Xoverdayîşî yê Girê Cûdîyî de îşxalkerî hetê hêzanê ma ra pê taktîkê sûkastî, çekanê giranan û ferdîyan têdima ameyî pirodayene. Çalakîyan de îşxalkerêk ame cezakerdene.

Artêşa tirke ya îşxalkere 11ê teşrîna verêne de mewzîyê şerî yê Warê Xoverdayîşî yê Girê Cûdî, Girê FM, Saca û Çemçoyî pê bombayanê qedexeyan û çekanê kîmyewîyan dayî bombayan ver. Reyna mewzîyê şerî yê Warê Xoverdayîşî yê Sîda, Girê FM, Çemço, Karkerî û erazîyê Gundê Girê û Gundê Zîvkê, Kanîraskê û Deşta Kafya yê Garê û erazîya Gundê Sergelê yê Amedîyê pê teyarayanê şerî, helîkopteran û obusan dîyayî bombayan ver.

Warê Girê Berbizinê yê Goşînê Xakurkê hetê hêzanê Îranî ra pê çekanê giranan dîya bombayan ver.‘‘