Merkezê Îrtîbatî û Çapemenîye yê HPGyî bi eşkerayîyêke nasnameyê di şehîdan eşkera kerdî.

Eşkerayîye wina ya:

''Embaz Kemal û Kendalî tewrbîyayîşê xo yê bi Têkoşînê Azadîye yê Kurdîstanî ra nata pê ked, fedakarî û fedayîtîya xo xeylêk erjî afernayî û pawitişî û 21ê hezîrana 2022yî de Herêmanê Pawitişî yê Medya de netîceya hêrişê artêşa tirke ya îşxalkere de şehîd bîyî. Embaz Kemal û Kendalî zaf waranê têkoşînê azadîye de ca girewt û xebatanê xo de serkewtişî ra ber çîyêk qebul nêkerd û bi nê hawayî ê bîyî mîsalê tewr ercîyayeyî yê milîtanîya Apogîran. Ma soz danê ke têkoşînê embaz Kendal û Kemalî bêmabên bîyarê ca û nê têkoşînî biresnê serfîrazîye.

Sere de keyeyanê embaz Kemal û Kendalî yê ercîyayeyan rê ma pêro şarê welatperwerî yê Kurdîstanî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Kemal Pîr

Name û Peyname: Kayhan Kartal

Cayê Bîyayîşî: Erzirom

Maye-Pî: Xalîde – Selahattin

Tarîx û Cayê Şehadetî: 21ê Hezîrana 2022yî / Herêmê Pawitişî yê Medya

 

Nameyê Qodî: Kendal Pirsûs

Name û Peyname: Okkeş Deverî

Cayê Bîyayîşî: Osmanîye

Maye-Pî: Beyaze – Mehmet

Tarîx û Cayê Şehadetî: 21ê Hezîrana 2022yî / Herêmê Pawitişî yê Medya

Embaz Kemal Pîr dewa Qeregivîjî ya qezaya Qereyazî ya Erziromî de keyeyêkê welatperwerî de dadîya xo ra beno.  O verî 2005-2006 de tewrê xebatanê ciwanan beno. 2008 de o wazeno tewrê gerîlayan bibo la îhtîyacî ra reyna xebata metropolan keno. O metropolan de tewrê çalakîyanê serkewteyan beno.  Dewleta kolonyalîste di reyî embaz Kemalî zîndanan de tepişeno. Tewr peyên 2014 de wexto ke o zîndanî ra vejîyeno tewrê gerîlayan beno. 2015 de zî o mîyanê Hêzanê Taybetan de cagêno û pê marîfet û xîretanê xo beno fermandaranê serkêşan ê dewrê neweyî ra yew. O dima derbazê Herêmanê Pawitişî yê Medya beno û pê ruhê Apogîrî bi jîhatî xebat û têkoşînê azadîye ano ca. Embaz Kemal heta şehadetê xo tim xo rê esas keno ke pê îdeolojîya Rayber Apoyî biciwîyo û tim seba ney xîret keno.

Embaz Kendal mîyanê keyeyêkê pirsûsijî de şaristanê Tirkîya Osmanîye de dadîya xo ra beno. Rixmê koçkerdiş û asîmîlasyonî zî embaz Kendal qet kokê xo war nêverdeno. O zanîngeh de beşê tipî de waneno û o çax tewrê xebatanê têkoşînê azadîye beno.Embaz Kendal seba ke mîyanê têkoşînî de hîna zaf cabigêro 210 de tewrê gerîlayan beno. O nameyê xalzayê xo yê şehîdî gêno û tim bi nê hawayî perwerê şehîdano beno. Embaz Kendal xebatanê weşîye de ca gêno û beno Doktor Kendal. O seba ke waranê şerê giranî de cade mudaxeleyê birînanê embazanê xo bibo derbazê Zap, Xakurkê û Avaşînî beno. O rixmê şertanê zehmetan zî tedawîya embazanê xo keno. Embaz Kendal pê nêzdîbîyayîşê xo, zerrînizmîya xo û embazîya xo beno mazharê heskerdiş û hûrmetê embazanê xo.''