Merkezê Îrtîbatî û Çapemenîye yê HPGyî şehadetê gerîlayêkê eşkera kerd û nê vatî:

“Hemrayê ma Egîd Zîlano ke warê Zapî de têkoşînê vera hêrişanê îşxalî de ca girewtêne netîceya nêweşîyêke de 29ê çeleyê 2023yî şehîd bi. Hemrayanê ci ke pîya eynî mewzîyan de têkoşînê kedêne  semedê xelisnayîşê ey çîyo ke destê înan ra ame kerd la nêeşkayî verê nêweşîye bigêrê. Şehadetê ey yo bêwext zaf tesîrê embazanê ci kerd. Me keyeyê erjîyayeyî yê hemra Egîdî heme şarê welatperwerî yê Kurdîstanî rê serweşîye wazenê û sozê serkewtişî newe kenê.

Nasnameyê embazê ma Egîd Zîlanî win ayo:

Nameyê Qodî: Egîd Zîlan Name û Peyname: Muzaffer Elwan Derwîş Cayê Bîyayîşî: Tirbespiyê Maye-Pî: Melike - Elwan Tarîx û Cayê Şehadetî: 29ê Çeleyê 2023yî / Zap

Hemrayê ma Egîd Tirbesipîyê de yeno dinya û keyeyêkê welatperwerî de beno pîl. Sey her ciwanê Rojawanî ey zî xo berpirsîyar dî semedê pawitişê şarê xo mîyanê şerî de aktîf cayê xo geno. Semedê pawitişê Şorişê Azadîye yê Rojawanî wextêk tîya têkoşîn keno û dima ra 2014 de tewrê sefanê Gerîlayanê Azadîye yê Kurdîstanî beno mîyanê têkoşînî de gamanê pêtan erzeno û xo her hetî ra aver beno. Hela ke wezîfeyê xo ser o bi hewayêkê bêtalîhî nêweş kewno. Hemerayê ci heme îmkananê xo seferber kenê ke ey bixelisnê la nêeşkenê verê nêweşîye bigêrê. Seba ke hêrişê îşxalî dewam kenê, şertanê şerê giranî ra nêewşkeno şiro cayêkê bînî de tedawî bivîno. Hemrayê ma dima şehîd beno.

5ê adare de Warê Xoverdayîşî yê Girê Fmyî hetê artêşa tirke dîya bombayan ver. Hezanê ma semedê xo pawitişî cewab da. Eynî roje mewzîyê xoverdayîşî yê Sîda dîyayî bobmayan ver. Hêzanê ma cewabê îşxalkeran da, îşxalkeran merd.  Reyna Girê Şehîd Reşîd, Girê Zengil, Gunde Guze  û dormeyê ci û Gundê Fîlla yê Garê 15 rey pê teyarayanê şerî Warê Xoverdayîşî yê Girê Bahar, Girê Cûdî, Girê FM û Amedîyê » mewzîyê xoverdayîşî yê 16 rey pê obus, tanq çekanê giranan dîyayî bombayan ver. Netîceya bombardumanî de vînîbîyayeyê ma çîn ê."