Merkezê Îrtîbatî û Çapemenîye yê HPGyî bi eşkerayîyêke da zanayene ke Fermandar Dilxwaz Gabar şehîd bîyo. Eşkerayîye wina ya:

Eşkerayîye wina ya:

''Milîtananê serkêşan ê partîya ma ra, fermandaranê qehremanan ê artêşa gerîlayan ra, ewladê şarê ma yo fedakar û kedkar Dilxwaz Gabar 21ê gulana 2022yî de hêrişê dişmenî de şehîd bi. Embaz Dilxwaz Gabarî sey Endamê Fermandarîya Eyaletî wezîfe kerdêne û seba servistişê têkoşînê azadîye kerdêne ke mesuldarîyanê xo bîyaro ca. Cuya embaz Dilxwazî hîkayeyêka destanî ya ke 32 serran dîyarîya azadîya şarê ma kerde û bêmabên têkoşîn kerd. Sey teqîbkerdoxanê têkoşînê ey, rayraşîyayîşê têkoşînî yê embaz Dilxwazî do hetê embazanê ey û ciwananê kurdan ra bêro nimûnekerdene, armancê ey do bêrê servistene û vîrameyîşê ey do Kurdîstan de bêro pawitene. Nê esasî ser o ma sere de keyeyê ey ê ercîyayeyî rê, pêro şarê welatperwerî yê Kurdîstanî rê serweşîye wazenê.

Nasnameyê embaz Dilxwaz Gabarî wina yo: 

Nameyê Qodî: Dilxwaz Gabar Name û Peyname: Mehmet Dogan Cayê Bîyayîşî: Mêrdîn Maye-Pî: Leyla – Fevzî Tarîx û Cayê Şehadetî: 21ê Gulana 2022yî / Herêmê Pawitişî yê Medya

Embaz Dilxwaz dewa Bafî ya qezaya Hezexî de dadîya o ra beno. Dewa Bafî bi serran ewladê xo yê tewr ercîyayeyî şawitî refanê têkoşînê azadîye. Embaz Dilxwaz na dewe de welatperwerîye rewî ra şinasneno û hema domanîya xo de raştê polîtîkayanê şîdetî yê dewlete yeno. Embaz Dilxwaz 1990 de Mêrdîn de tewrê gerîlayan beno û bi nê hawayî têkoşînê xo yê 32 serran dano destpêkerdene.

O Mêrdîn de gerîlatîye museno, uca ra derbazê Botanî beno û xeylêk çalakîyanê serkewteyan de serkêşîye keno. Embaz Dilxwaz bi nê hawayî beno fermandaraê efsanewîyan ê Botanî ra yew û derbanê giranan dano dişmenî ro. Embaz Dilxwaz dima Heftanîn, Xakurkê, Zagros, Zap û Qendîl de asta serkêşîye de tewrê xebatan beno, beno fermandarêko nimûne û pêro erkanê xo bi serkewtişî ano ca. Embaz Dilxwaz heta nefesê xo yê peyênî xeta şehîdan û Rayber Apoyî teqîb keno. Embaz Dilxwaz tewr peyên Herêmanê Pawitişî yê Medya de sey Endamê Fermandarîya Eyaletan têkoşîn keno.

O têkoşînê xo yê 32 serrî de bi hawayêkê bêteredut û fedayî tewrê xeta Rayber Apoyî, ey emrê xo pê kede û têkoşîn derbaz kerd û no zî dîyarîya azadîya şarê ma kerd. Ma do mîrasê ey ê têkoşînî bi serkewtişî tacîdar bikerê.''