Merkezê Îrtîbatî û Çapemenîye yê HPGyî bi eşkerayîyêke da zanayene ke Fermandar Zerdeşt Agir şehîd bîyo. Eşkerayîye wina ya:

''Fermandaro fedayî yo Apogîr embaz Zerdeşt Agir Garê de serê erkê xo yê Endamîya Frmandarîya Herême de 4ê teşrîna verêne ya 2022yî de hêrişê dişmenî de şehîd bi. Embaz Zerdeştî Xinêre ra heta Zapî, Qendîlî ra heta Dêrsimî, Dengizê Reşî ra heta Garê 22 serran xeta fedayîtîye de têkoşînêko destanwarî kerd. Milîtanîya apogîre ya embaz Zerdeştî û xîretê ci yê têkoşînî do ma rê bibê nimûne û armancê ke ey seba nînan bi fedayîtî têkoşîn kerd, do bêrê servistene.

Ma sere de keyeyê ey ê ercîyayeyî rê, pêro şarê Elbak û Kurdîstanî yê welatperwerî rê serweşîye wazenê. 

Nasnameyê embaz Zerdeştî wina yo:

Embaz Zerdeşt Agir dewa Xokanî ya qezaya Elbakî ya Wanî de, serra 1984î de dadîya xo ra beno. Embaz Zerdeşto ke lajê amika ci û dezayê ci şehîdê têkoşînî yê, domanîya xo de têgêrayîşê ma şinasneno. Komployê vera Rayberîye ra dima embaz Zerdeşt 2000 de bi hêrsî tewrê gerîlayan beno.

O Xinêre de perwerdeyê verênî gêno û 2001 de tewrê Hêzanê Taybetan beno. Embaz Zerdeşt dima Qendîlî ra heta Zapî zaf cayanê Herêmanê Pawitişî yê Medya de wezîfe keno. 2006 de embaz Zerdeşt derbazê Dêrsimî beno û tîya de tewrê xeylêk çalakîyanê serkewteyan beno. O hertim xeta şehîdan de şino û keno ke bibo layîqê înan. 2009 de o fermandarê efsanewîyî Celal Başkaleyî reyde sey komêke derbazê warê Dengizê Reşî beno. Embaz Zerdeşt tîya de pratîkêkê xurtî ano ca. 2012 de o reyna sey fermandarî derbazê Dêrsimî beno û heta 2015î Dêrsim de wezîfeyanê girîngan ano ca. 

Embaz Zerdeşt 2015 de Akademîya Mahsum Korkmazî de perwerde vîneno, xebatanê Hêzanê Taybetan ano ca û erkanê neweyan keno. Embaz Zerdeşt têkoşînê xo de tim pêro erk û mesuldarîyanê xo bêkêmasî ano ca. O Garê de serê erkê xo de beno şehîd.''