Merkezê Îrtîbatî û Çapemenîye yê HPGyî  da pêhesnayene ke 5ê êlule de grûbêka gerîlayan Dola Balîsanî de raştê hêrişî ameye vat ganî na meseleya Xelfîfanî bêro safîkerdene.

Eşkerayîya HPGyî wina ya:   “ 5ê êlule de 5 kesan ra grûbêka gerîlayan gama ke şiyênî yewna warî nizdê dewa Tarava ya Dola Balîsanî de raştê hêrişê teyarayanê keşîfî ameyî. Na grûbe de embazê ma  Rêzan Botan, Armanc Zîlan, Karo Kobanê, Aşîkar Colemêrg û Zanyar Tavê bibî. Goreyê xeberanê ke ma girewtî nê hêrişî de 3 hemrayê ma şehîd bîyî û 2 hemrayê ma birîndar bîyî. Badê hêrişî cadê hêzanê PDKyî mudaxaleyê warê qewimîyayîşî kerd û hemrayê ma yê birîndarî bêrdê. Ma hema nêzanê ke kam yew embazê ma şehîd kam birîndar o.

No waro ke cayo germin yê şerî nîyo de saetanê şewe de teyaraya keşîfî nişka yena erazî grûbêke tesbît kena û dana piro. Eşkera yo ke embazê ma hetê sîstemê îstîxbaratî yê organîzekerdî ra ameyî teqîpkerdene. Hetê bînî ra gama ke hêzê PDKyî ameyî warî dewijan vengê tifangan eşnawito. Na zî rewşêka baldar a. Eşkera yo ke ganî na mesele bêro cigêrayene û safîkerdene. Embazê ma yê ke birîndarî eşkenê derheqê mesele de zanayîş bide. Coka embazê ma yê ke hetê hêzanê PDKyî ra ameyî girwtene ganî helêke cuwa ver îadeyê ma bibê.”