Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê dewleta tirke de eşkerayîye daye û nê pare kerdî:

Çalakî

‘’24ê êlule de Warê Xoverdayîşî yê Saca de helîkopterê hêrişî hetê Gerîlayanê Azadîye yê Kurdîstanî ra ame derbkerdene û mecbûr mend ke peyser agêro. Eynî roje Warê Xoverdayîşî yê Çemçoyî de îşxalkerê ke ver bi mewzîyanê şerî yê Şehîd Serxwebûnî şîyênî  bi taktîkê sabotajî ameyî pirodayene. Çalakîyanê cîya cîyayan de 2 îşxalkerî ameyî cezakerdene. Warê Xoverdayîşî yê Girê Cûdîyî de çalakîya sûîkastî ameye kerdene, îşxalkerêk birîndar bi.

Bombarduman

Artêşa tirke ya îşxalkere 24ê êlule de mewzîyê şerî yê Warê Xoverdayîşî yê Saca, Girê Cûdî, Girê Amedîyê, Sîda û Çemçoyî pê bombayanê qedexeyan û çekanê kîmyewîyan dayî bombayan ver. Reyna mewzîyê şerî yê Warê Xoverdayîşî yê Saca, Kurojahro, Şîkefta Birîndara, Girê FM, Girê Cûdî, Girê Amedîyê, Çemço,Karker û erazîya Gundê Şêlazê û Girê Biharî yê Metîna pê teyaran şerî, helîkpteranê hêrişî û obusan dîyayî bombayan ver.

Bombardumanê Îranî

24ê êlule de ra nata warê  Girê Berbizina û Hornê yê Xakurkê  hetê hêzanê Îranî ra pê havan û topan yenê bombardumankerdene. Qismêkê nê bombardumanî îsabetê herêma ke şaro sîvîl tede yo, kerd.’’