Merkezê Îrtîbatî û Çapemenîye yê HPGyî da zanayene ke 29ê hezîrana 2022yî de hêrişê artêşa tirke yê vera herêma Ciloyî de gerîlayî Çekdar, Arjîne û Avente herêma Cîloyî de şehîd bîyî.

HPGyî vat: ‘’Nê hemrayanê ma yê ercîyayeyan yê ke xeylêk wextê herêma Cîloyî de yê derbeyê gîrdî dayî dişmenî ro.  Ma soz danê ke ma do qesasê fermanaranê xo yê vîjnaye û ciwanan Çekdar, Arjîne û Avente bîgêrê û têkoşînê înan birêsnê serkewtişî.

Nasnameyê hemrayanê ma yê şehîdan wina yê:

Nameyê Qodî: Çekdar

Name û Peyname: Ferhat Acar

Cayê Bîyayîşî: Kocaeli

Maye-Pî: Behîcane - Adil

Tarîx û Cayê Şehadetî: 29 Hezîrana 2022yî / Cîlo

 

Nameyê Qodî: Arjîne Çinar

Name û Peyname: Hatîce - Dînç

Cayê Bîyayîşî: Amed

Maye-Pî: Melîha - Necmetîn

Tarîx û Cayê Şehadetî: 29 Hezîrana 2022yî / Cîlo

 

Nameyê Qodî: Avente Şikefta

Name û Peyname: Şehristane Yilmaz

Cayê Bîyayîşî: Êlih

Maye-Pî: Ayşete - Îzettîn

Tarîx û Cayê Şehadetî: 29 Hezîrana 2022yî / Cîlo

Hemrayê ma Çekdar eslê  xo Cizîre ra yo û Kocaelî de yeno dinya. Dima ra keyeyê ey  agêreno Cizîre û tîya beno pîl.  Ciwanîya xo de tewrê xebatan beno. Badê hêrişê DAÎŞÎ yê vera Kobanê û qirkerdişê dewleta tirke yê vera serhildanê Kobanê pîya bi 5 embazanê xo 2014 de Cûdî de tewrê sefanê gerîlayan beno. Dima  ra ravêreno herêma Cîloyî û xo her hetî ra aver beno. Hemrayê ma Çekdar Çîlo de 7 serrî têkoşîn keno û beno fermandarêko serkewte.

Hemraya ma Arjîne qezaya Çinarî ya Amedî de yena dinya û bi kulturê welatperwerîye bena pîl. Badê hêrişê DAÎŞî û paştdayîşê dewleta tirke yê çeteyan seba ke qesasê şarê xo bîgêro verê xo dana koyanê azadan ê Kurdîstanî. Seba ke bibo gerîlayêka serkewtîye ya YJA Starî çîyo ke destê ci ra yeno kena û xo her hetî ra perwerde kena. Garê de biney  menana û peyra ravêrena Cîlo û Zapî û tîya cepheyê germini yê şerî de manena. Embaza ma Arjîne Cîlo de xeylêk çalakîyanê sekewteyan de ca gena û cehd kena ke qesasê şehîdan bigêro.

Hemraya ma Avente eşîranê welatperweran ê Kurdîstanî ra eşîrê Torî ra ya. Hemraya ma Avente 2015 de tewrê sefanê gerîlayan bena. Sey mîlîtanêka Gerîlayanê Azadîye yê Kurdîstanî Kerkuk de vera çeteyan şerêkê destankî dana û xelisnayîşê Kerkukî de rolêko pîl kay kena. Dima ra reyna agêrana koyanê azadan, Zap de mîyanê têkoşînî de ca gena û sey fermandarêka YJA Starî wezîfeyê xo bi serkewtişî ana ca. Hemraya ma Avente Cîlo de serkêşîya çalakîyan kena û derbanê pîlan dana dişmenî ro.

Sere de keyeyê ercîyayeyî yê embazanê ma yê şehîdan Çekdar, Avente û Arjîne wa sereyê heme şarê welatperwerî yê Kurdîstanî weş bo.’’