Merkezê Îrtîbat û Çapemenîye yê HPGyî derheqê hêrişanê artêşa tirke de eşkerayîye daye.

HPGyî vat: “Rixmo ke ma  çalakîyî vindarnayî hêrişê rejîmê faşîstî yê AKP-MHPyî bi hewayêkê sîstematîkî dewam kenê. Netîceya nê de wird hetan ra zî şehadetî qewimîyenê.Tewr peynî de warê Besta yê Şirnexî de warê hêzanê ma de operasyon dîya destpêkerdene. Goreyê zanayîşanê verênan mabênê hêzanê  ma û îşxalkeran de pêkewtiş qewimîya, 4 leşker û qoricîyêk merdî û di hemrayê şehîd bîyî. Derheqê nê pêkewtişan de xeberê ke bêrê girewtene, do rayapêroyî dir bêrê parekerdene.

15ê gulane de artêşa tirke ya îşxalere hêrişê Waranê Xoverdayîşî yê Girê FM û Girê Cûdîyî kerd, hêzanê ma semedê xopawitişî cewab da. 15 û 16ê gulane de Warê Xoverdayîşî yê Girê FM, derûdorê dewa Yekmalê, Kanî Sarkê, Girê Zengil û verojê Xêrê yê Garê 6 rey pê teyaranê şerî dîyayî bombayan ver. 14, 15 û 16ê gulane de Warê Xoverdayîşî yê Girê FM, Girê Cûdî, Girê Ortê yê Metîna û mewzîyê xoverdayîşî yê Sîda 15 rey pê obus, tanq û çekanê giranan dîyayî bombayan ver. Netîceya nê hêrişan de vînîbîyayeyê ma çîn ê.”