Merkezê Îrtîbatî û Çapemenîye yê HPGyî derheqê hêrişanê îşxalî yê artêşa tirke û xoverdayîşê gerîlayan de bi eşkerayîyêke tay agahîyî dayî. Eşkerayîye wina ya:

''Herêma rojawanê Zapî ya Şehîde Delale;

5ê hezîrane de Warê Xoverdayîşî yê Girê FMyî de îşxalkeran hêrişê hêzanê ma kerd û hêzanê ma bi çekanê giranan cewabê înan da.

Herêma Xakurkê;

4ê hezîrane de artêşa tirke ya îşxalkere warê Şêxzade  da bombayan veer û hêzê xo tede cakerdî.

Hêrişê artêşa îşxalkere;

4-5ê hezîrane de Girê FM, Warê Xoverdayîşî yê Girê Amedîyê, Warê Xoverdayîşî yê Sîda 72 reyî dîyayî bombayan ver. Artêşa îşxalkere 4-5ê hezîrane de hêrişê mewzîyanê Girê FMyî kerd û pê kepçeyan waşt ke mewzîyan birijnê.

Kontrayê bi nameyê Mustafa Erdemo ke 1980 de Şirnex de dadîya xo ra bîyo, keso winayên bi ke verê têkoşînê azadîye yê şarê ma de sûcî kerdêne. Nê kontrayî xizmetê dişmenî kerdêne, hêrişanê vera şarê ma de cagirewtêne, sûcê cîyayî kerdêne û teyna Vakur de ney Herêmanê Pawitişî yê Medya de zî operasyonanê îşxalî de cagirewtêne û gonîya embazanê ma destê ci de bîye. No kes fermandarê tîma kontrayan a bi nameyê 'Hançerî' zî bi. 

Mustafa Erdem wexto ke reyna mîyanê kerdişanê winayênan de bi, 4ê hezîrane de saete 21.30 de raştê yewinêka ma ameyî û yewina ma o bi înîsîyatîfê xo ceza kerd. Yewina ma çalakîye ra dima weş û war agêraye cayê xo û agahîyê serê çalakîye dayî.''