Merkezê Îrtîbatî û Çapemenîye yê HPGyî bi eşkerayîyêke derheqê çalakîyanê gerîlayan û hêrişanê îşxalî de agahîyî dayî.

Eşkerayîye wina ya:

''Herêma Amedî;

Artêşa tirke ya îşxalkere zimistan de xîret kerd ke warê Şehîd Serxwebûnî yê qezaya Licê yê Amedî de girî bivisna destî û xo cabikera. Hetê bînî ra artêşa îşxalkere kena ke Girê Boxaza Cuma, Gundê Sîverekê, Gundê Medrese û Girê Mêrgî de qereqolan viraza. 6 mengî yo artêşa îşxalkere kena ke tîya de operasyonan û dafikan bikera.

30ê nîsane de hêzanê ma mabênê dewa Mêrgî û dewa Sîverekî de konvoyê leşkeran o ke vejîyabi operasyonî pê taktîkê sabotajî kerd hedef. Netîceya ney de wesayîtê bi tîpê kîrpî ame îmhakerdene, tede 13 îşxalkerî ameyî cezakerdene. Heta 5ê gulane tîya de operasyonê îşxalî dewam kerd la bênetîce qedîya.

10ê gulane de zî artêşa îşxalkere operasyonêkê îşxalî da destpêkerdene û nê operasyonî de embazê ma Dilgeş Zagros û Bawer Korkmaz şehîd bîyî.

Herêma Zapî;

16ê gulane de Warê Xoverdayîşî yê Girê FMyî de hêzanê ma çarçewa xopawitişî de cewab da hêrişan.

Herêma Metîna;

18ê gulane de îşxalkeran hêrişê Warê Xoverdayîşî yê Girê Hekarî kerd û hêzanê ma çarçewa xopawitişî de cewabê hêrişan da.

Hêrişê bînî yê artêşa îşxalkere;

17ê gulane de Warê Xoverdayîşî yê Girê Bahar, Girê Cûdî, Girê FM, Girê Amediyê; dewa Segîrê, warê Deşta Kafya 22 reyî dîyayî bombayan ver.

16-17-18ê gulane de Warê Xoverdayîşî yê Girê FM û Girê Cûdîyî, Girê Şehîd Heqî, Girê Şehîd Kamuran, Girê Şehîd Hêmin, herêma Çilûçarî û dormeyê awa Lolanî, mewzîyê Sîda 37 reyî dîyayî bombayan ver.

17ê gulane de Girê Mozelan, Koordine, Stûna, Serzêrê yê Metîna û dormeyê dewa Tirvanişî 7 reyî dîyayî bombayan ver.''