Merkezê Îrtîbatî û Çapemenîye yê HPGyî nasnameyê 6 gerîlayanê ke Hemleya Bazanê Zagrosî de şehîd bîyî eşkera kerdî. Eşkrayîye wina ya:

''Hêrişanê îşxalî yê ke artêşa tirke ya îşxalkere 23ê nîsane de vera Zap, Avaşîn, Metîna dayî destpêkerdene xoverdayîşêko tewr pîl ê gerîlayan ver werte. Bi taybetî rayberîya Serhat Giravîyî de xoverdayîşê Mamreşoyî her cayî ra vila bi û bi mîsalanê tewr pîlan ê Têkoşînê Azadîye yê Kurdîstanî ra yew. Embazê ma roja verêne ra nata bêmabên derbanê giranan danê dişmenî ro. No xoverdayîş rayraşîyayîşê 'Raberîya Azade, Kurdîstanê Azadî' yê şarê ma nêzdîyê serkewtişî keno.Embazê ma Şerzan, Şervan, Bêrîtane, Dîren, Berxwedan û Mêrxas Hemleya Şorişgêre ya Bazanê Zagrosî şehîd bîyî û mîyanê çêranê bêmergan ê Têkoşînê Azadîye uê Kurdîstanî de cayê xo girewtî.

Nasnameyê embazanê ma yê şehîdan wina yê:

Nameyê Qodî: Şerzan Qaşûrî Name û Peyname: Şaban Ecer Cayê Bîyayîşî: Colemêrg Maye-Pî: Kumruye – Îbrahim Tarîx û Cayê Şehadetî: 25ê Gulana 2021î / Avaşîn

 

Nameyê Qodî: Şervan Birîndar Name û Peyname: Nîhat Yilmaz Cayê Bîyayîşî: Mersîn Maye-Pî: Perîşane – Abdullah Tarîx û Cayê Şehadetî: 25ê Gulana 2021î/ Avaşîn

 

Nameyê Qodî: Bêrîtane Ranya Name û Peyname: Sevda Duman Cayê Bîyayîşî: Wan Maye-Pî: Dîlbere – Reşat Tarîx û Cayê Şehadetî: 25ê Gulana 2021î / Avaşîn

Nameyê Qodî: Dîrene Raman Name û Peyname: Nurdane Şarer Cayê Bîyayîşî: Amed Maye-Pî: Remzîye – Ahmet Tarîx û Cayê Şehadetî: 25ê Gulana 2021î / Avaşîn

 

Nameyê Qodî: Berxwedan Nisêbîn Name û Peyname: Abdulkadîr Yîgît Cayê Bîyayîşî: Mêrdîn Maye-Pî: Melahate – Abdulkadîr Tarîx û Cayê Şehadetî: 25ê Gulana 2021î / Avaşîn

 

Nameyê Qodî: Mêrxas Nûjiyan Name û Peyname: Kenan Kaçmaz Cayê Bîyayîşî: Colemêrg Maye-Pî: Rabîa – Îsmaîl Tarîx û Cayê Şehadetî: 25ê Gulana 2021î / Avaşîn

Embaz Şerzan Colemêrg de dadîya xo ra bîyo û 2010 de tewrê gerîlayan bi. Embaz Şerzan dima ke xeylêk waran de têkoşîn kerd derbazê Erziromî kerd. Embaz Şerzanî sey fermandarêkê ciwanî xeylêk waran de pêro wezîfeyê xo ardî ca, derbê giranî dayî dişmenî ro. Embaz Şerzanî tewr peyên warê Avaşînî de  fermandarîya çalakîya Pîramîdî kerde. 

Embaz Şervan mîyanê keyeyêkê sêrtijî de Mersîn de dadîya xo ra bîyo. Embaz Şervanî ciwanîya xo de xebata ciwanan de ca girewt û zîndan de  tepişîya. Dima ke o zîndanî ra vejîya 2010 de tewrê gerîlayan bi. Embaz Şervan xeta gerîlatîya moderne de bi fermandar û pêro wezîfeyê xo tim ardî ca. Embaz Şervanî hêrişanê îşxalî de bêmabên xo ver da û şer kerd.

Embaza ma Bêrîtane Wan de dadîya xo ra bîya. Embaze Bêrîtane zanîngeh de tewra xebata ciwanan bîye. Embaze Bêrîtane wextê Şorişê Rojawanî de tewra gerîlayan bîye. Embaze Bêrîtane roja verêne ra nata sey gerîlayêka cinîye çalakîyan de wezîfeyê xo ardî ca. Aye bi qerardarî alaya têkoşînî ya YJA-Starî berz kerde. Na ala do Kurdîstan de tim berz biba.

Embaza ma Dîrene Amed de dadîya xo ra bîya. Embaze Dîrene pê hîşmendîya cinîyan tewra gerîlayan bîye. A pê ruhê xoverdayîşî vera hêrişanê serê Kerkûkî tewra xoverdayîşî bîye. Dima embaze Dîrene reyna agêraye koyanê Kurdîstanî. Aye pê tecrubeyê gerîlatîya Amedî Zap de rayberîya çalakîyan kerde. Embaze Dîrene tim nasnameyê cinîya kurde pê rumetî kirişt.

Embaz Berxwedan Nisêbîn de dadîya xo ra bi. Ey waranê cîyayan de marîfetê xo yê leşkerî vetî vernî. Embaz Berxwedan tim bi mazharê heskerdiş û rêzdarîya embazanê xo. Embaz Berxwedanî çalakîyan de tim wezîfeyê xo ardî ca û semedo ke felsefeya Apoyî aver bera tim xîret kerd. Ruho milîtan ê embaz Berxwedanî tim do biciwîyo.

Embaz Mêrxas Colemêrg de dadîya xo ra bîyo û 2014 de tewrê gerîlayan bi. Embaz Mêrxasî roja verêne ra dima tim bêteredutî Zagrosan de gerîlatîye kerde û o tim bi milîtanêko mîsal. Embaz Mêrxasî xeylêk çalakîyan de rayberîye kerde û vera hêrişan sêneyê xo kerd mertal. Embazê ci do vîrameyîşê embaz Mêrxasî têkoşînê xo de bipawê.

Ma sere de keyeyanê ercîyayeyan ê embazanê xo rê, şarê welatperwerî yê Kurdîstanî rê serweşîye wazenê. Ma soz danê ke hesreta şehîdanê xo yê çêran bîyarê ca.''