Artêşa tirke ya îşxalkere 27ê nîsane ra heta 5ê gulane vera Eyaletê Mêrdînî hêrişê giranî kerdbî. Merkezê Îrtîbatî û Çapemenîye yê HPGyî derheqê nê hêrişan de nê agahîyî dayî:

''Artêşa tirke ya îşxalkere pozîsyonê çalakînêkerdişî yê gerîlayan xo rê kerdo firsend û Vakurê Kurdîstanî de bêmabên hêrişanê xo rê dewam kerd. Artêşa îşxalkere vera hêzanê ma yê Eyaletê Mêrdînî 27ê nîsane de operasyonê îmha dayê destpêkerdene û heta 5ê gulane bêmabên nê hêrişan rê dewam kerd. Hêzanê ma yê Mêrdînî nê 8 rojan de pêro hêrişê dişmenî şiknayî û derbê giranî dayî îşxalkeran ro. Nê 8 rojan de 8 îşxalkerî ameyî cezakerdene, 1 îşxalker birîndar bi û embazê ma Bahoz Çîya zî şehîd bi. Ma do nasnameyê embaz Bahoz Çîyayî dima şarê xo reyde pare bikerê.

Artêşa îşxalkere 27ê nîsane de vera warê Bagokî yê Mêrdînî operasyonêk da destpêkerdene. 28ê nîsane de hêzanê ma di baskan ra da dişmenî ro û 6 îşxalkerî ceza kerdî, 1 îşxalker zî birîndar kerd. Îşxalkeran pê helîkopteran war da bombayan ver. Artêşa îşxalkere rayaumûmîye xapite û zûre kerde ke teyna 1 leşkerê ci merdo û 1 gerîlayê ma şehîd bîyo. La nê hêrişan de zerarêk zî nêresabi gerîlayanê ma ser.

Bagok de 30ê nîsane de hêzanê ma da baskêka operasyonê îmha û 2 îşxalkerî ceza kerdî.

Reyna 2yê gulane de Bagok 4 reyî pê teyarayanê şerî, 2 reyî pê helîkopteran dîyayî bombayan ver. Dişmenî pê helîkopteran çend reyî leşkerî ardî war û operasyon kerd hîra. 2yê gulane de mabênê hêzanê ma û îşxalkeran de pêkewtişê giranî qewimîyayî û embazê ma Bahoz Çîya şehîd bi.

Vera nê hêrişan hêzanê ma bi xurtî cewab da, qesasê welatperwerê kurdî Lokman Gorgunî û embazanê ma yê şehîdanê Omeryanî girewt.

Herêma Avaşînî de;

Hêzanê ma 12ê gulane de pê taktîkê sabotajî da îşxalkeran û 3 îşxalkerî ceza kerdî. Artêşa îşxalkere reyna raştîye nimite û zûre kerde ke teyna yew leşkerê ci tîya de merdo.

Hêrişê artêşa îşxalkere;

11ê gulane de Warê Deşta Kafya yê Garê pê teyarayan 3 reyî, 12ê gulane de mewzîyê xoverdayîşî yê Sîda 3 reyî pê çekanê giranan dîyayî bombayan ver.''