Merkezê Îrtîbatî û Çapemenîye yê HPGyî derheqê hêrişanê artêşa tirke de eşkerayîye daye û nê vatî:

''Artêşa tirke ya îşxalkere pê  topanê fosforî hêrişê hêzanê ma kena ke no sûcê şerî yo. Gerîlayê Azadîye yê Kurdîstanî yê ke rîyê erdlerzî ra çalakîyê xo yê leşkerî vindarnayî, çarçeweya pawitişê meşrûyî de cewabê hêrişan danê. Detayê hêrişan wina yê;

Herêma Zapî de;

25ê sibate de mewzîyê xoverdayîşî yê dewa Sîda ya bajarekê Şêladizê yê Amedîyê  pê hetê îşxalkeran ra dîyayî bombayan ver. Îşxalkeran waşt herême de kamaraya mobese ca bikerê.  Hêzanê ma semedê xo pawitişî bi taktîkê suîkastî û pê çekanê giranan da îşxalkeran ro, îşxalkerêk ame cezakerdene.

Eynî roje mewzîyê xoverdayîşî yê dewa Sîda pê topanê fosforî yê ke tenqan ra ameyî eştene 15 rey dîyayî bombayan ver. Reyna mewzîyê xoverdayîşî yê herêma Çemçoyî û dewa Sîda pê obus, tanq, û çekanê giranan 43 rey ameyî bombardumankerdene. 24ê sibate de warê Xêrê yê Garê pê teyarayanê şerî rayêke ame bombardumankerdene.''