Merkezê Îrtîbatî û Çapemeyî yê HPGyî derheqê hêrişanê dewleta tirke de eşkerayîye daye û nê vatî:

''Dewleta tirke ya îşxalkere bi heme îmkananê xo yê teknîkîyan hêriş kena. 27ê sibate de Warê Xoverdayîşî yê Girê Cûdî û Girê FMyî pê obus û çekanê giranan dîyayî bombayan ver. Eynî roje mewzîyê xoverdayîşî yê herêma Çemço û dewa Sîda yê bajarekê Şêladizê yê Amedîyê pê obus, tanq û çekanê giranan 71 rey dîyayî bombayan ver.

Goş medê xeberanê zûran ê medyaya şerê taybetî

Medyaya şerê taybetî yê tirkî Ramazan Guneş sey endamê têgêrayîşê ma ramojnayo û vat Silêmanî de hetê MÎTî ra pê operasyonê nuqta ameyo remnayene. Xebera ke qala ci yena kerdene bi temamî zûr a. Ramazan Guneş hîrê serrî verî sefanê ma ra rema, dima zewcîya û Başûrê Kurdîstanî de ca da xo. Qet eleqeya ci bi têgêrayîşê ma çîn a. Ramazan Guneş di aşmî verî bajarê Duhakî yê Başûrê Kurdîstanî de teslîmê dewleta tirke bîyo. Dewleta tirke Guneşo ke di aşmî verî teslîmê  ci bîyo sey endamê têgêrayîşê ma ramojenena û sey operasyonêkî serekwteyî servîs kena ke MÎTî bifîno çim. Wa şarê ma yo welatperwer û rayapêroyîya Tirkîya pê xeberanê zûran ê medyaya şerî yê tirkî û MÎTî mexapîyo.''