Merkezê Îrtîbatî û Çapemenîye yê HPGyî derheqê hêrişanê artêşa tirke de eşkerayîye daye û nê vatî:

''Artêşa tirke ya îşxalkere pê  topanê fosforî hêrişê hêzanê ma kena ke no sûcê şerî yo. Gerîlayê Azadîye yê Kurdîstanî yê ke rîyê erdlerzî ra çalakîyê xo yê leşkerî vindarnayî, çarçeweya pawitişê meşrûyî de cewabê hêrişan danê. Detayê hêrişan wina yê;

Herêma Zapî de;

25ê sibate de Warê Xoverdayîşî yê Girê Cûdîyî de îşxalkeranê ke hêrişê hêzanê ma kerd, pê çekanê giranan ameyî pirodayene. 26ê sibate de îşxalkeran hêrişê mewzîyanê xoverdayîşî yê herêma Çemçoyî ya bajarekê Şêladizê yê Amedîyê kerd, hêzanê semedê xo pawitişî pê çekanê giranan cewab da îşxalkeran.

26ê sibate de mewezîyê xoverdayîşî yê dewa Sîda ya bajarekê Şêladizê yê Amedîyê bi tobanê fosforî yê ke tenqan ra ameyî eştene, 35 rey dîyayî bombayan ver. Eynî roje Warê Xoverdayîşî yê Girê Cûdî û mewzîyê xoverdayîşî yê  herêma Çemço û dewa Sîda pê obus, tenq û çekanê giranan 84 rey dîyayî bombayan ver.''