Merkezê Îrtîbatî û Çapemenîye yê HPGyî bi eşkerayîyêke nasnameyê 3 gerîlayanê şehîdan pare kerdî. Eşkerayîye wina ya:

''Rixmo ke hêzê ma yê gerîlayî pozîsyonê çalakînêkerdişî de yê, artêşa tirke ya îşxalkerde hêrişanê xo yê îmha rê dewam kena. Nê hêrişê îmha yê ke seba îqtîdarê AKP-MHPyî yê faşîstî yenê kerdene, Vakur de bêmabên dewam kenê. 11ê adare de, Mêrdîn de nêzdîyê dewa Cinata Biçûkî ya Omerya de vera hêzanê ma hêrişêkê îmha ame kerdene. Nê hêrişî de mabênê gerîlayanê ma û îşxalkeran de pêkewtiş qewimîya. Embazanê ma Canşêr, Denîz û Egîdî çarçewa xopawitişî de cewab da hêrişan. Pêkewtişanê 11-12ê adare de nê embazê ma bi xoverdayîşêkê qehremanî şehîd bîyî. Embaz Canşêr bi serran o sey endamêkê Fermandarîya Eyaletê Mêrdînî kede dayêne. Embaz Denîz û Egîdî zî Mêrdîn de bi îdîa û qerardarî têkoşîn kerdêne.

Ma ancî soz danê ke têkoşînê embazanê xo bi serkewtişî tacîdar bikerê û bi nê hawayî vîrameyîşanê înan bipawê. Ma sere de keyeyanê înan ê ercîyayeyan rê pêro şarê ma yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Canşêr Maku Name û Peyname: Musa Mîromilan Cayê Bîyayîşî: Maku Maye-Pî: Medîne – Resul Tarîx û Cayê Şehadetî: 12ê Adara 2023yî /Mêrdîn

Nameyê Qodî: Denîz Hêlîn Name û Peyname: Alî Akdogan Cayê Bîyayîşî: Gever Maye-Pî: Hatîce – Şukru Tarîx û Cayê Şehadetî: 12ê Adara 2023yî /Mêrdîn

Nameyê Qodî: Egîd Cûdî Name û Peyname: Îshak Çekîn Cayê Bîyayîşî: Riha Maye-Pî: Zuleyha – Taha Tarîx û Cayê Şehadetî: 12ê Adara 2023yî /Mêrdîn

Embaz Canşêr şaristanê Makuyî yê Rojhelatê Kurdîstanî de dadîya xo ra beno. Têgêrayîşê ma 2000an ra pey xo Maku de rêxistin kerdbi. Embaz Canşêr tîya de gerîlayan şinasneno û bi qerardarî 2006 de verê xo dano koyan. O 2007 de tewrê Hêzanê Taybetan beno, pê perwerdeyan xo aver beno. Dima derbazê Zapî beno. Embaz Canşêr 2010 de waştişê xo ser o derbazê Vakurê Kurdîstanî beno. 2015 de çalakîyêka Mêrdînî de embaz Canşêr dişmenî ra hesabê qirkerdişan perseno. Embaz Canşêr 2017 de sey fermandarêkî agêreno Herêmanê Pawitişî yê Medya û perwerde vîneno. O Metîna de hîrê serran têkoşîn keno û derbanê girana dano dişmenî ra. Reyna waştişê xo ser o sey endamêkê Fermandarîya Eyaletê Mêrdînî derbazê Vakurî beno. Embaz Canşêr tîya de serkêşîya embazanê xo keno û heta nefesê xo yê peyênî bi qerardarî xo ver dano.

Embaz Denîz Gever de dadîya xo ra beno la Wan de beno pîl. Embaz Denîz verî xebatanê ciwanan de cagêno û 2013 de dezayê xo Demhat-Hozan Akdoganî reyde tewrê gerîlayan beno. O Wan, Faraşîn û Kato de pratîk keno, derbazê Herêmanê Pawitişî yê Medya beno û tîya de zî tewrê Hêzanê Taybetan beno. Embaz Denîz dima sey namzetêkê fermandarîye derbazê Mêrdînî beno. Şehadetê dezayê xo ra pey o bi xurtêrî tewrê têkoşînî beno û keno ke qesasê şehîdan bigêro.

Embaz Egîd keyeyêkê mêrdînijî de Riha de dadîya xo ra beno.  Embaz Egîd zanîngeh de tewrê xebatanê ciwanan beno û 2014 de rêçê apê xo yê şehîdî de Mêrdînî ra tewrê gerîlayan beno. O hêverî Zap de perwerde vîneno. O pê perwerdeyan xo aver beno û beno gerîlayêko profesyonel. Embaz Egîd Akademîya Leşkerîye ya Şehîd Îbrahîmî de zî perwerde vîneno û waştişê xo ser o derbazê Mêrdînî beno. Embaz Egîd heta şehadetê xo vera dişmenî çalakîyanê serkewteyan de cagêno.''