Merkezê Îrtîbatî û Çapemenîye yê HPGyî bi eşkerayîyêke nasnameyê çar lehîdan eşkera kerdî. Eşkerayîye wina ya:

''Têkoşînê azadîye yê şarê ma bi bedelanê pîlan beno pîl. Gerîlayê azadîye yê Kurdîstanî qetî nê bedelan ra xo dûrî nêgênê û ewro zî xeta fedayîtîye de têkoşînê xo rê dewam kenê. Ewladê şarê ma yê tewr ercîyayeyî vera hêrişanê dişmenî heta nefesê xo yê peyênî têkoşîn de israr kenê, mîrasê xoverdayîşî yê partîya ma kenê pîlêr û perwerîya xo ya bi şehîdan mojnenê. Embaz Harun, Bager, Dijwar û Egîd ê ke tim bîyî perwerê  tradîsyonê xoverdayîşî yê PKKyî, hêrişanê dişmenî de şehîd bîyî. Keyeyanê nê embazan ewladê xo yê tewr qehremanî dayî nê têkoşînê azadîye û bi nê hawayî erkê xo bêkêmasî ardî ca. Coka ma sere de nê keyeyanê ercîyayeyan rê, pêro şarê welatperwerî yê Kurdîstanî rê serweşîye wazenê. Ma soz danê ke xeta şehîdan de têkoşînê şehîdan ê destanwarîyî biresnê serfîrazîye.

Nasnameyê embazanê ma yê şehîdan wina yê:

Nameyê Qodî: Harun Tolhildan Name û Peyname: Recep Kaya Cayê Bîyayîşî: Sêrt Maye-Pî: Safiye – Mehmet Tarîx û Cayê Şehadetî: 26ê Nîsana 2019î / Herêmê Pawitişî yê Medya

Nameyê Qodî: Bager Wan Name û Peyname: Selçuk Kiliççeken Cayê Bîyayîşî: Wan Maye-Pî: Canane – Seyfettîn Tarîx û Cayê Şehadetî: 26ê Nîsana 2019î / Herêmê Pawitişî yê Medya

Nameyê Qodî: Dijwar Kiçî Name û Peyname: Mehmet Emin Goçer Cayê Bîyayîşî: Şirnex Maye-Pî: Hatice – Bahattîn Tarîx û Cayê Şehadetî: 26ê Nîsana 2019î / Herêmê Pawitişî yê Medya

Nameyê Qodî: Egîd Bargiran Name û Peyname: Murat Koçhan Cayê Bîyayîşî: Wan Maye-Pî: Yildize – Nezîr Tarîx û Cayê Şehadetî: 19ê Tebaxa 2020î / Herêmê Pawitişî yê Medya

Embaz Harun Sêrt de dadîya xo ra beno. O verî tewrê xebatanê ciwanan beno û dima 2015 de Zanîngehê Meletî ra tewrê xoverdayîşê Kobanê beno. Embaz 2016 de Akademîya Şehîd Rûbar Qamişloyî de perwerde vîneno, beno fernandar. 2018 de o verê xo dano koyan û Herêmanê Pawitişî yê Medya de beno gerîla. Embaz Harun pêro cuya xo ya têkoşînî de tim erk û mesuldarîyanê xo ano ca û bêman vera dişmenî şer keno.

Embaz Bager Wan de dadîya xo ra beno. Embaz Bager tewrê xebatanê ciwanan beno û 2014 de Wanî ra tewrê gerîlayan beno. Embaz Bager perwerdeyan ra dima derbazê Metîna beno û Girê Hekarî ra heta Girê Srûnî xeylêk waran de têkoşîn keno. Embaz Bager çalakîyêke de bi giranî birîndar beno la tedawîyêka derge ra dima reyna agêreno koyan. Embaz Bager heta şehadetê xo reyna koyan ra cîya nêbeno û bêmabên şer keno.

Embaz Dijwar Şirnex de dadîya xo ra beno. Embaz Dijwar xeylêk reyî yeno destbendkerdene û 2013 de zî tepişîyeno. O dima ke zîndanî ra vejîya 2015 de tewrê xoverdayîşê xoîdarekerdişî beno, 2016 de zî beno gerîla. Embaz Dijwar Heftanîn de perwerde gêno. Embaz Dijwar sey milîtanêkê fedayî yê têkoşînê azadîye yê Kurdîstanî tim tempoyê xo yê têkoşînî berz keno. Mîrasê ey ê têkoşînî do tim verê ma roşnî bikero.

Embaz Egîd Wan de dadîya xo ra beno. Embaz Egîd wextê hêrişanê DAÎŞî de, 2015 de derbazê Rojawanî beno û tewrê Şorişê Rojawanî beno. Embaz Egîd vera cerganê DAÎŞî çalakîyanê serkewteyan de cagêno û beno wayîrê kedêka hempare. Embaz Egîd dima tewrê gerîlayan beno. Embaz Egîd bi kesayet û milîtanîya xo koyan de mazharê heskerdiş û hûrmetê embazanê xo beno û bi tewirê qehremanî şehîd beno.''