Merkezê Îrtîbatî û Çapemenîye yê HPGyî, bi eşkerayîyêke nasnameyê 5 şehîdan eşkera kerdî. Eşkerayîye wina ya:

''2017 bi hawayêkê destanwarî vîyart, tede bedelê pîlî dîyayî la rixmê ney zî erjanê azadîye ra qetî tawiz nêdîya. Na serre de embazê ma Bişenge, Çîya, Serhed, Rêber û Amed tarîx û cayanê cîyayan de şehîd bîyî û bi nê hawayî bîyî erjê nê xoverdayîşê destanwarîyî. Nê embazanê ma vera hêrişanê qirkeran ê dewleta tirke mewzîyanê xo de sey fedayîyan xo ver da, heta nefesê xo yê peyênî şer kerd. Nê embazê ma tim do ruh bidê têkoşînê ma.

Sere de keyeyanê embazanê ma Bişenge, Çîya, Serhed, Rêber û Amedî yê ercîyayeyan rê , ma pêro şarê welatperwerî yê Kurdîstanî rê serweşîye wazenê. Ma reyna soz danê ke rayîrê azadîye yo ke şehîdanê ma yê qehremanan akerdo, tede bê hesabî do şorê.

Nasnameyê embazanê ma yê şehîdan wina yê:

Nameyê Qodî: Bişenge Rojdem Giravî Name û Peyname: Nazliye Yalçin Cayê Bîyayîşî: Wan Maye-Pî: Kiymete – Îdrîs Tarîx û Cayê Şehadetî: 2017 / Herêmê Pawitişî yê Medya

Nameyê Qodî: Çiya Roza Name û Peyname: Yusuf Aydin Cayê Bîyayîşî: Wan Maye-Pî: Guvercîne – Dîno Tarîx û Cayê Şehadetî: 2017 / Herêmê Pawitişî yê Medya

Nameyê Qodî: Serhed Silopî Name û Peyname: Îbrahim Avci Cayê Bîyayîşî: Şirnex Maye-Pî: Zehra – Neşet Tarîx û Cayê Şehadetî: 2017 / Herêmê Pawitişî yê Medya

Nameyê Qodî: Rêber Cûdî Name û Peyname: Necmettin Çapan Cayê Bîyayîşî: Şirnex Maye-Pî: Ayşe – Yasîn Tarîx û Cayê Şehadetî: 2017 / Herêmê Pawitişî yê Medya

Nameyê Qodî: Amed Dêrsim Name û Peyname: Fuat Ahmed Îsmaîl Cayê Bîyayîşî: Heleb Maye-Pî: Emine – Ahmed Tarîx û Cayê Şehadetî: 2017 / Herêmê Pawitişî yê Medya

 

Embaze Binevşe Botan de dadîya xo ra bena û Wan de bena pîl. Embaze Bineveşe dima ke bena şahîda qirkerdişanê dewlete 2015 de tewra gerîlayan bena. A Zap de gerîlatîye kena. A koyan de sey gerîlayêka YJA-Starî 2016-2017 de têkoşînêkê pîlî keno û cinîya kurde temsîl kena. Şehadetê aye ma rê mîrasêko pîl verda.

Embaz Çîya Wan de dadîya xo ra beno. Embaz Çîyayo ke hetê dewleta tirke ra sey ajanî erşawîyayo koyan, 2014 de yeno Botan û tîya ra derbazê Herêmanê Pawitişî yê Medya beno. Embaz Çîya Avaşîn de cu û embazîya PKKyî nêzdî ra şinasneno, muhasebeyê zerrîya xo keno û dafika dişmenî embazanê xo rê îtîraf kerde. O bi destekê embazanê xo reyna tewrê pratîkî bi. Embaz Çîya warê Cîloyî yê Çarçella de beno mazharê heskerdişê embazanê xo.

Embaz Serhed Şirnex de dadîya xo ra beno. O wextê hêrişanê DAÎŞî de bi hîsê qesasî verê xo dano koyan. Embaz Serhed Heftanîn de gerîlatîye pratîze keno, tewrê xebatanê Qerargehê Merkezî beno. O hetê fermandarê pîlî Bedran Gundikremoyî de xo perwerde keno. Embaz Serhed erk û wezîfeyanê xo tim bêkêmasî ano ca.

Embaz Rêber Silopîya de dadîya xo ra beno. O hêrişanê giranan ê dişmenî ra pey 15ê tebaxa 2015î de verê xo dano koyanê azadan. O Metîna de perwerde vîneno û xo perwerde keno. Embaz Rêber Metîna de sey embaz Serhedî hetê Fermandar Bedran Gundikeremoyî de xo aver beno. O pê tewir û kesayetê xo tim beno milîtanêko mîsal.

Embaz Amed Dêrsim Heleb de dadîya xo ra beno. O bi tesîrê felsefeya û embazîya PKKyî tewrê gerîlayan beno. Embaz Amed bi taybetî şerê tunelan de xo aver beno û kedêka pîle dano viraştişê înan. Embaz Amed heyf ke viraştişê nê tunelanê şerî de netîceya qezayêkê bêtelehî de beno şehîd. Ma şexsê ey de soz danê ke do têkoşînê xo de ser bikewê.''