Merkezê Îrtîbatî û Çapemenîye yê HPGyî bi eşkerayîyêke HPGyî nasnameyê 5 şehîdan eşkera kerdî. Eşkerayîye wina ya:

''Partîya ma PKK rixmê polîtîkayanê dewlete zî Kurdîstan de kerd ke hişmendîya neteweyî aver şora û şarê ma wayîrê nasnameyê xo vejîyo. PKKyî pê têkoşînê xo şar kerd yew û xeyalê yewîye yê şarê ma kerd raştikên. Bêguman mîrê na yewîye şehîdê ma yê qehremanî yê. Nê qehremanî çar hetanê Kurdîstanî ra, Botanî ra heta Serhedî, Dêrsimî ra heta Hewremanî bîyî xeta azadîye û xoverdayîşî. Embazê ma Serane, Denîz, Battal, Andok û Harun ê ke 2017 de şehîd bîyê cayanê cîyayan ê Kurdîstanî ra tewrê têkoşînî bîyî û bîyî mîsalê tewr qîmetînî yê yewîya şarê ma.

Ma sere de keyeyanê înan ê ercîyayeyan rê, pêro şarê welatperwerî yê Kurdîstanî rê serweşîye wazenê. 

Nasnameyê embazanê ma yê şehîdan wina yê:

Nameyê Qodî: Seran Kurdistan Xoser Name û Peyname: Berfîne Bazancir Cayê Bîyayîşî: Çewlîg Maye-Pî: Gulsere – Hîlmî Tarîx û Cayê Şehadetî: 2017 / Herêmê Pawitişî yê Medya

Nameyê Qodî: Deniz Ronî Name û Peyname: Sunay Aydın Cayê Bîyayîşî: Qers Maye-Pî: Aslihane – Kaplan Tarîx û Cayê Şehadetî: 2017 / Herêmê Pawitişî yê Medya

Nameyê Qodî: Battal Menal Name û Peyname: Sezaî Altekîn Cayê Bîyayîşî: Mêrdîn Maye-Pî: Makbule – Cemîl Tarîx û Cayê Şehadetî: 2017 / Herêmê Pawitişî yê Medya

Nameyê Qodî: Andok Fedakar Name û Peyname: Latîf Kaymak Cayê Bîyayîşî: Amed Maye-Pî: Remzîye – Abdullah Tarîx û Cayê Şehadetî: 2017 / Herêmê Pawitişî yê Medya

Nameyê Qodî: Harun Kiçî Name û Peyname: Zuheyr Uca Cayê Bîyayîşî: Şirnex Maye-Pî: Sorî – Omer Tarîx û Cayê Şehadetî: 2017 / Herêmê Pawitişî yê Medya

 

Embaze Serane Kurdîstan Xoser Çewlîg de dadîya xo ra bena. A wexto ke Bedlîs de zanîngeh de wanena PKKyî nêzdîyê şinasnena. Embaze Serane 2013 de tewra xebatanê ciwanan bena û 2015 de zî verê xo dana koyan, bena gerîla. Embaze Serane Wan û Garzan de têkoşîn kena û dima derbazê Herêmanê Pawitişî yê Medya bena. A tim xo felsefeya Rayber Apoyî de aver bena. Embaze Serane sey fermandarêke derbazê Heftanînî bena û tewra Hêzanê Taybetan bena. Embaze Serane vera dişmenî de tim bi hêrsî têgêrena û kena ke qesasê şarê ma bigêra. a 2017 de tewra karwanê bêmergan bena. Mîrasê aye yê têkoşînî do tim verê ma roşnî bikero.

Embaz Denîz Qers de dadîya xo ra beno. O zanîngeh de tewrê xebatanê ciwanan beno û 2010 de tewrê gerîlayan beno. Embaz Denîz vera DAÎŞî Rojawan de şer keno û dima agêreno Herêmanê Pawitişî yê Medya. Embaz Denîz warê Zapî de xoverdayîşêkê destanwarî keno û xeta bêmexlube ya PKKyî de şino. 

Embaz Battal Mêrdîn de dadîya xo ra beno. O ciwanîya xo de tewrê xebatan beno, tepişîyeno û 9 mengan zîndan de maneno. Dima 2011 de tewrê gerîlayan beno. Embaz Battal Avaşîn de têkoşînêkê xurtî keno û keno ke pêro wezîfeyanê xo bêkêmasî bîyaro ca. Embaz Battal pê têkoşîn û xoverdayîşê xo beno layîqê PKKyî.

Embaz Andok Amed de dadîya xo ra beno. Embaz Andok bi qerardarî û îradeyêkê pîlî 2014 de verê xo dano koyan û beno gerîla. O Qendîl û Zap de têkoşîn keno. Embaz Andok tim xîret keno ke tecrubeyanê xo embazanê xo de zî vila bikero. embaz Andok tim wayîrê felsefeya şehîdan vejîyeno. O do tim mîyanê têkoşînê ma de bibo.

Embaz Harun Kiçî Şirnex de dadîya xo ra beno. Embaz Harun 2010 de tepişîyeno û zîndan de maneno. Dima ke zîndanî ra vejîyeno zî tewrê xebatanê ciwanan beno û 2014 de zî tewrê gerîlayan beno. Embaz Harun xeylêk cayanê Zapî de kede dano. O çalakîyan de derbanê giranan dano dişmenî ro. Mîrasê ey do tim verê ma roşnî bikero.''