Merkezê Îrtîbatî û Çapemenîye yê HPGyî (HPG-BÎM) da zanayene ke gerîlayê înan Dilgeş, Reşît, Harun, Mazlûm û Xebat nîsana 2019î de Metîna de şehîd bîyê û nasnameyê înan eşkera kerdî.

Eşkerayîye wina ya:

''26ê nîsana 2019î de vera hêrişê Metîna de ewladê serkêşî yê şarê ma û milîtanê ma yê serkêşî embaz Dilgeş, Reşît, Harun, Mazlûm û Xebat şehîd bîyî. Nê embazanê ma seba ke dewaya azadîya şarê ma ser bivisnê mesuldarî û erkê zorî ardî ca û pê têkoşînê xo serkewtişê pîlî vistî destî. Nê embazê ma pê tewirê xo yê têkoşînî û tewrbîyayîşê xo yê bêteredutî  embazanê xo rê zî bîyî mîsal. Şehadetê embazanê ma Dilgeş, Reşît, Harun, Mazlûm û Xebatî do bibê sebebê ma yê serkewtişî.

Ma serrgêra şehadetê înan de embazanê xo Dilgeş, Reşît, Harun, Mazlûm û Xebatî bi rêzdarî yad kenê. Sere de keyeyanê înan ê ercîyayeyan rê ma pêro şarê welatperwerî yê Kurdîstanîr ê serweşîye wazenê.

Nasnameyê embazanê ma yê şehîdan wina yê:

Nameyê Qodî: Dilgeş Dilovan Name û Peyname: Cengîz Kina Cayê Bîyayîşî: Colemêrg Maye-Pî: Asliye– Fehîm Tarîx û Cayê Şehadetî: 26ê Nîsana 2019î / Metîna

Nameyê Qodî: Reşit Serdar Mêrdîn Name û Peyname: Resul Kurt Cayê Bîyayîşî: Mêrdîn Maye-Pî: Munire – Seyitxan Tarîx û Cayê Şehadetî: 26ê Nîsana 2019î / Metîna

Nameyê Qodî: Harun Serhed Name û Peyname: Cîhat Bel Cayê Bîyayîşî: Erzirom Maye-Pî: Beyaze – Medenî Tarîx û Cayê Şehadetî: 26ê Nîsana 2019î / Metîna

Nameyê Qodî: Mazlum Dogan Name û Peyname: Burhan Emre Cayê Bîyayîşî: Colemêrg Maye-Pî: Qumriyê – Bilal Tarîx û Cayê Şehadetî: 26ê Nîsana 2019î / Metîna

Nameyê Qodî: Xebat Batman Name û Peyname: Cemîl Soylemez Cayê Bîyayîşî: Êlih Maye-Pî: Aytene – Kenan Tarîx û Cayê Şehadetî: 26ê Nîsana 2019î / Metîna

 

Embaz Dilgeş Gever de dadîya xo ra beno.  Rmbaz Dilgeş verî xebatanê ciwanan de cagêno dima zî 2012 de tewrê gerîlayan beno. Embaz Dilgeş vera DAÎŞî Rojawan de têkoşîn keno û serkewtişê Rojawanî ra dima 2017 de reyna agêreno Vakurê Kurdîstanî. Embaz Dilgeş Metîna de fermandarîya tîme keno. O heta şehadetê xo pêro erk û mesuldarîyanê xo bêkêmasî ano ca û têkoşînê xo de derbanê giranan dano dişmenî ro.

Embaz Reşît Serdar Mêrdîn de dadîya xo ra beno la Amed de beno pîlêr.  Embaz Reşît Serdar ciwanîya xo de polîtîkayanê înkar û îmha şinasneno û 2013 de seba qesasî tewrê gerîlayan beno. O Zap de Dibistana Şehîd Mehmet Goyîyî de perwerde vîneno, derbazê Metîna beno û uca de vera dişmenî têkoşîn keno. Embaz Reşît heta şehadetê xo xîret keno ke xeyalê Kurdîstanê Azadî û Rayberîya Azade bîyaro ca.

Embaz Harun Serhed Qereyazî de dadîya xo ra beno. Embaz Serhed bi taybetî tewrbîyayîşê dezayê xo Alî Dirêj Serhedî ra dima keweno peyê cigêrayîşan û 2015 de Erziromî ra tewrê gerîlayan beno. Embaz Harun perwerdeyan ra dima derbazê Metîna beno. Embaz Harun şehadetê dezayê xo ra dima sozê qesasî dano û bi xurtêtî tewrê têkoşînî beno. Embaz Harun têkoşîn de tecrubeyanê pîlan visneno destî.

Embaz Mazlum Colemêrg de dadîya xo ra beno. Embaz Mazlûm wextê hêrişanê cerganê DAÎŞî de, 2015 de bi hêrsêkê pîlî û seba qesasê şarê xo verê xo dano koyanê gerîlayan. Embaz Mazlûm Metîna de gerîlatîye pratîze keno û tim xîret keno ke xo aver bero. O xeylêk çalakîyanê serkewteyan de derbanê giranan dano dişmenî ro û beno milîitanêko serkewte yo Apogîr. Şehadetê ey do ma rê serkêşîye bikero.

Embaz Xebat Êlih de dadîya xo ra beno. O 2017 de wextê hêrişanê tewr giranan de Newroze de qerar dano û verê xo dano koyanê gerîlayan. Embaz Xebat bi perwerdeyan tim xo aver beno û bi fedakarî û kedkarî têkoşîn keno. Embaz Xebat pê nê taybetmendîyanê xo beno mazharê heskerdiş û hûrmetê embazanê xo. Embaz Xebat pê pratîk û xîretê xo beno milîtanêko Apogîr.''