Merkezê Îrtîbatî û Çapemenîye yê HPGyî bi eşkerayîyêke nasnameyê 5 şehîdan eşkera kerdî.

Eşkerayîye wina ya:

''Partîya ma PKKyî pê têkoşînê xo yê azadîye şarê ma çinbîyayîşî ra xelisna, ganî kerd, kerd wayîrê îradeyî. Nê têkoşînê destanwarîyî de bi desan şehîdî dayî la şarê ma resa şaro ke şer keno. Şarê ma Rojawanî ra heta Rojhelatî, Başûrî ra heta Vakurî hertim payan ser de bi û bi bawerî wayîrê têkoşînî vejîya. Şarê ma ewladê xo yê tewr ercîyayeyî şawitî refanê şerî. Embazanê ma Zîlane, Roje, Baz, Jêhat û Alîşêr zî bi qerardarî têkoşîn de cagirewt. Nê embazê ma heta nefesê xo yê peyênî bîyî perwerê tradîsyonê xoverdayîşî yê PKKyî.

29ê nîsana 2019î de warê Çemankê yê Garê de bi îxbarê xayînan û hemkarîya înan hêrişêk de embazê ma Zîlane, Roje, Baz, Jêhat û Alîşêr şehîd bîyî. Ma do hesabê ney xayînan û dişmenî ra bipersê, qesasê şehîdanê xo bigêrê. Sere de keyeyanê şehîdanê xo yê ercîyayeyan rê, ma pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Zîlane Amed Name û Peyname: Sozdare Osê Cayê Bîyayîşî: Dêrik Maye-Pî: Şaha–Ahmet Tarîx û Cayê Şehadetî: 29ê Nîsana 2019î / Garê

Nameyê Qodî: Roje Qamişlo Name û Peyname: Xezale Muhammed Cayê Bîyayîşî: Qamişlo Maye-Pî: Mahfuze–Muhammed Emin Tarîx û Cayê Şehadetî: 29ê Nîsana 2019î / Garê

Nameyê Qodî: Baz Mordem Name û Peyname: Emre Dokuner Cayê Bîyayîşî: Riha Maye-Pî: Turkane–Salîh Tarîx û Cayê Şehadetî: 29ê Nîsana 2019î / Garê

Nameyê Qodî: Jêhat Kop Name û Peyname: Bilal Kirmiziyildiz Cayê Bîyayîşî: Mûş Maye-Pî: Fehîme–Salîh Tarîx û Cayê Şehadetî: 29ê Nîsana 2019î / Garê

Nameyê Qodî: Alîşêr Amed Name û Peyname: Omer Karabulut Cayê Bîyayîşî: Amed Maye-Pî: Remzîye – Mehmet Tarîx û Cayê Şehadetî: 29ê Nîsana 2019î / Garê

 

Embaze Zîlane Dêrik de dadîya xo ra bena û 2011 de tewra gerîlayan bena. A Xakurkê de têkoşîn kena û wextêkê kilmî de bena fermandare. Embaze Zîlane 2018 de Akademîya Mahsum Korkmazî de perwerde vînena û Fermandarîya Qerargehê Merkezî ya YJA-Starî de xeylêk wezîfeyan ana ca. Embaze Zîlane tim rêçê Fermandara Bêmerge Zîlane (Zeynepe Kinaci) de şina û bena perwera şehîdan û Rayber Apoyî.

Embaze Roje Qamişlo de dadîya xo ra bena. A hêverî Şorişê Rojawanî de cagêna û  2014 de tewra gerîlayan bena. Embaze Roje Qendîl û Garê de têkoşîn, vera hêrişanê DAÎŞî Şingal de xo ver dana û dima reyna derbazê koyanê Kurdîstanî bena. Embaze Roje bi pratîkê xo tim xeta milîtanîya Apogîre de şina û xo tim aver bena. Embaze Roje kesayetê xo de cinîya kurde ya azade afernena û bilayîqî ney temsîl kena.

Embaz Baz Riha de dadîya xo ra beno. O hêverî xebatanê ciwanan de cagêno û dima 2014 de beno gerîla. Embaz Baz wextêk Garê de perwerde vîneno û dima zî vera cerganê DAÎŞî Şingal de şer keno. Embaz Baz azadkerdişê Şingalî ra dima agêreno Garê. O koyan de tim keno ke xo perwerde bikero û hîna aver bero. Embaz Baz her hela xo pê keddayîşî derbaz keno, tim erjanê şehîdan û partîye paweno û peyê xo de mîrasêkê xurtî verdeno.

Embaz Jêhat Mûş de dadîya xo ra beno. O destpêk de xebatanê ciwanan de cagêno û cigêrayîşan ra pey 2014 de verê xo dano koyanê azadan. Embaz Jêhat Herêmanê Pawitişî yê Medya de pratîkê verênî keno û 4 serran Metîna de têkoşîn keno. Embaz Jêhat vera hêrişanê cerganê DAÎŞî şarê ma yê êzidîyî Şingal de paweno. Şingalî ra dima o verê xo dano koyanê Garê. Embaz Jêhat heta şehadetê xo felsefeya Rayber Apoyî bêteredut ano ca.

Embaz Alîşêr Amed de dadîya xo ra beno. O xebatanê ciwanan de cagêno, tepişîyeno û 6 mengan zîndan de maneno. Dima ke zîndanî ra vejîyeno zî 2015 de verê xo dano koyan. Embaz Alîşêr perwerdeyan ra dima Garê de wezîfe keno. O vera DAÎŞî Şingal de şerêkê bêhempayî keno û dima reyna agêreno Garê. Embaz Alîşêr cuya xo ya têkoşînî de tim bi enerjî û kedêka pîle têgêreno û beno wayîrê tewrbîyayîşêkê nimûneyî.''