Merkezê Îrtîbatî û Çapemenîye yê HPGyî nasnameyê di gerîlayan ke şehîd bîyî eşkera kerdî û nê pare kerdî:

“Gerîlayê Azadîye yê Kurdîstanî vera hêrişanê artêşa tirke ya îşxalkere xover danê û dewaya azadîye ya şarê xo domnenê. Ewladê tewr erjîyayeyî yê şarê ma her qeyde fedayîtîye genê çim û semedê azadîya welat û şarê xo ganê xo danê. Hemrayê ma Rêzan û Azad yê ke têkoşînê 2022yî de ca girewtêne û bi hewayêkê fedakarî şîyênî dişmenî ser, hêrişanê dişmenî de tewrê kerwanê şehîdan bîyî. Ma sere de keyeyanê erjîyayeyan yê hemrayanê xo qehreman rê heme şarê welatperwerî yê Kurdîstanî rê serweşîye wazenê û sozê xo newe kenê ke ma do têkoşînê hemrayanê xo biresnê serkewtişî.

Nasnameyê hemrayanê ma yê şehîdan wina yê:

Hemrayê ma Rêzan Qerayazîya Erziromî de yeno dinya û keyeyêkê welatperwerî de beno pîl. Keyeyê hemrayê ma Rêzanî  rixmê heme zextan milê xo çewt nêkeno, nasnameyê xo yê welatperwerîye paweno û tewr peynî de rîyê zext û îşkenceyî ra bar keno şino metropolanê Tirkîya. Hemrayê ma Rêzan Îstanbul de polîtîkaya hêrişkare ya dişmenî ya vera kurdan dahîna nêzdî ra nas keno û 2018 de verê xo dano koyanê Kurdîstanî û tewrê sefanê gerîlayan beno. Verî xebatanê Komalên Ciwanî de ca geno dima ra reseno warê leşkerî, xo her hetî ra perwerde keno û beno gerîlayêko serkewte.

Hemrayê ma Azad bajarê Tuzxurmatu ya Başûrê Kurdîstanî de yeno dinya û bi kulturê welatperwerîye beno pîl. Xoverdayîşo destankî yê vera çeteyanê DAÎŞî û vera îşxalkeran o ke serkêşîya partîya ma de yeno dayene, ey ser zaf tesîr keno. Hemrayê ma Azad seba ke mîyanê nê têkoşînî de ca bîgêro verê xo dano koyanê Kurdîstanî û tewrê sefanê gerîlayan beno û seba ke bibo gerîlayêko serkewte keda pîle dano.”