Merkezê Îrtîbatî û Çapemenîye yê HPGyî bi eşkerayîyêke nasnameyê di şehîdanê Besta eşkera kerdî.

Eşkerayîye wina ya:

''Artêşa tirke ya îşxalkere rixmê bira ma ya çalakînêkerdişî zî hêrişanê xo rê bêmabên dewam kena. Artêşa îşxalkere 15-16ê gulane de seba îmhaya hêzanê ma hêrişê Besta kerd. Hêzê ma hêrişanê dişmenî ser o înan de pêkewtî. Artêşa îşxalkere pê xeylêk leşkeran, kontrayanê xayînan, teknîkê şerî, helîkopter û teyarayan hêriş kerd la embazanê ma di rojan nimûneya xoverdayîşî mojnaye. Embazanê ma binê fermandarîya embaze Dilşêrî de da hêzanê dişmenî ro. Dişmenî seba ke binkewtişê ci yê vera gerîlayan eşkera nêbo pê zûran îdîa kerd ke nê pêkewtişan de teyna 5 leşkerê ci û kontrayêkê ci kişîyayê. La nê pêkewtişan de dişmenî hîna zaf kişteyî dayî. Nê pêkewtişan de embazê ma Dilşêr Çîyareş û Bawer Med bi fedayîtî, bêtersî vejîyayî verê dişmenî û pêkewtişan de şehîd bîyî.

Embaz Dilşêr Çîyareş û Bawer Med sey şehîdanê pîlan derbazê tarîxî bîyî. Nê embazî bîyî îsbatê raştîya xeta şehîdan. Ma şexsê embazanê ma Dilşêr û Bawerî de pêro şehîdanê menga gulane û pêro şehîdanê ma bi minet û rêzî yad kenê. Ma soz danê ke bibê layîqê têkoşînê înan.

Ma sere de keyeyanê înan ê ercîyayeyan rê eşîranê Mamxurî û Dirî û şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Embaz Dilşêr Wan de dadîya xo ra beno. Embaz Dilşêr verî tewrê xebatanê ciwanan beno, 2007 de tepişîyeno. 2008 de zîndanî ra vejîyeno û verê xo dano koyan. O Xakurkê de dest pê gerîlatîye keno, uca ra derbazê Avaşînî beno û heta 2010î xeylêk cayan de xo ver dano.  O 2012 de derbazê warê Botanî beno û tîya de sey fermandarî wezîfe keno. Embaz Dilşêr 2016 de Wan de wezîfe keno û 2019 de Akademîya Mahsum Korkmazî de perwerde vîneno. Embaz Dilşêr narey bi tecrubeyanê xurtan agêreno koyanê Botanî. Embaz Dilşêr 15-16ê gulane de bêters şino serê dişmenî, derbanê giranan dano ci ro û bi nê hawayî şehîd beno. Ma do tim vîrameyîşê ey bipawê, rayîrê ey de şorê û armancanê ci ser bivisnê.

Embaz Bawer Gever de dadîya xo ra beno.  Embaz Bawer cigêrayîşan ra pey 2014 de wextê hêrişanê vera Şorişê Rojawanî de tewrê gerîlayan beno. O Avaşîn de gerîlatîye pratîze keno. Embaz Bawer şerwanîye reyde perwerdeyê îlmê weşîye gêno û beno Doktor Bawer. O xeylêk embazanê xo yê birîndaran koyan de tedawî keno. Embaz Bawer dima derbazê Botanî beno û tîya de beno wayîrê ked û têkoşînêkê pîlî. Embaz Bawer dima beno fermandar û heta şehadetê xo zî beno perwerê embazanê xo û Rayber Apoyî. Embaz Bawer bi şehadetê xo zî do tim serkêşîya ma bikero.''