Merkezê Îrtîbatî û Çapemenîye yê HPGyî bi eşkerayîyêke nasnameyê 2 şehîdanê Amedî eşkera kerdî. Eşkerayîye wina ya:

''Artêşa îşxalkere vera Vakurê Kurdîstanî û Herêmanê Pawitişî yê Medya hêriş û operasyonanê xo rê dewam kena. Netîceya nê operasyonan de 2-3yê hezîrane de 3 embazê ma şehîd bîyê. Herêma Licê ya Amedî de artêşa îşxalkere 2yê hezîrane de operasyonêkê îşxalî yê hîra da destpêkerdene. Komêka embazanê ma 2-3yê hezîrane de operasyon de îşxalkeran de pêkewte. Netîceya nê pêkewtişanê giranan de hîrê embazê ma şehîd bîyî. Nînan ra nasnameyê embazan Zîne Amed û Mahsum Herekolî qetî bîyî. Nasnameyê embazê/o ma yê/bînî wexto ke bêro qetîkerdene ma do şarê xo yê welatperwerî û rayaumûmîye de pare bikerê. 

Ma sere de keyeyanê înan ê ercîyayeyan rê, pêro şarê Kurdîstanî yê welatperwerî rê serweşîye wazenê. Ma do şexsê embaze Zîne û embaz Mahsumî de seba ke qesasê pêro şehîdan bigêrê hîna zaf têkoşîn bikerê û hîna zaf ser bikewê. Ma xeyalê şehîdan Rayberîya Azade û Kurdîstanê Azadî qetî bîyarê ca.

Nasnameyê embazanê ma yê şehîdan wina yê:

Nameyê Qodî: Zîne Amed Name û Peyname: Dîlane Gokalp Cayê Bîyayîşî: Amed Maye-Pî: Nacîye – Genco Tarîx û Cayê Şehadetî: 3yê Hezîrana 2023yî / Amed

 

Nameyê Qodî: Mahsum Herekol Name û Peyname: Vedat Ayhan Cayê Bîyayîşî: Sêrt Maye-Pî: Remzîye – Ahmet Tarîx û Cayê Şehadetî: 3yê Hezîrana 2023yî / Amed

 

Embaze Zîne Amed de dadîya xo ra bena. Wextê Şorişê Rojawanî de 2014 de embaze Zîne Amedî ra tewra gerîlayan bena. A di serran Zap de têkoşîn kena, 2016 de bi giranî birîndar bena û tewra xebatanê YPSyî bena. A mîyanê xoverdayîşê xoîdarekerdişî de zî cagêna. Embaze Zîne 2017-2018 de Akademîya Şehîd Îbrahîm Demîrî de perwerde vînena û sey fermandarêke derbazê Eyaletê Amedî bena. A heta şehadetê xo bi qehremanî û fedakarî şer kena.

Embaz Mahsum Sêrt de dadîya xo ra beno. O 2011 de tewrê gerîlayan beno û Kato Jîrka de pratîkanê xo yê verênan keno. Embaz Mahsum warê weşîye de perwerde vîneno, xo aver beno. O hînî mîyanê embazan de sey 'doktorî' pênase beno.Embaz Mahsum 2017 de derbazê Amedî beno. Embaz Mahsum heta şehadetê xo pêro erk û mesuldarîyanê xo bêkêmasî ano ca û beno layîqê milîtanîya Rayber Apoyî.''

Hêrişê îşxalî

HPGyî mîyanê heman eşkerayîye de derheqê hêrişanê îşxalî û xoverdayîşê gerîlayan de nê agahîyî dayî:

''Herêma rojawanê Zapî ya Şehîde Delale de;

8ê hezîrane de îşxalkerî Girê GMyî de pê mudaxeleyê hêzanê ma ameyî vindarnayene.

Herêma Xakurkê;

8ê hezîrane de Girê Şehîd Munzurî de îşxalkeran kerd ke hêriş bikerê la hêzanê ma mudaxeleyê înan kerd. Tîya de 2 îşxalkerî ameyî cezakerdene.

Hêrişê bi bombayanê qedexekerdeyan;

Mewzîyê Warê Xoverdayîşî yê Girê FM 7-9ê hezîrane de 13 reyî dîyayî bombayan ver.

Hêrişê bînî yê artêşa îşxalkere;

8-9ê hezîrane de Girê Bîstûsisêyan, Gundê Sinê û Zînêwertê yê Qendîlî; Girê Çarçel, Gundê Şêlazê û Girê Hekarî yê Metîna; warê Kanî Sarkê, Gundê Sêdarê, Gundê Dêreşê, Gundê Bilindbazê, Gundê Baxêrê, Deriyê Hirçê yê Garê, Warê Xoverdayîşî yê Sîda yê Zapî, û Warê Xoverdayîşî yê Girê Cûdî, Girê Bahar, Girê Amediyê yê Şehîde Delale dîyayî bombayan ver.

Artêşa îşxalkere 7-8-9ê hezîrane de pê kepçeyan kerd ke mewzîyanê xoverdayîşî yê Sîda û Girê FMyî pê kepçeyan bişikna.''