HPGyî nasnameyê di şehîdan eşkera kerdî
HPGyî nasnameyê di şehîdanê Garê eşkera kerdî û vat: ''Embazê ma Hogir û Mazlûm bi tewirê xo yê cuye û tekoşînî yê tûjî bîyî gerîlayê Apogîrî yê nimûneyî.''
NASNAMEYÊ ŞEHÎDAN
Merkezê Îrtîbatî û Çapemenîye yê HPGyî nasnameyê di gerîlayanê şehîdan eşkera kerdî. Eşkerayîye wina ya:
''6ê êlula 2023yî de Garê de hêrişê dişmenî de embazê ma Hogir Pîrosî û Mazlûm Partîzan şehîd bîyî.
Embazê ma Hogir û Mazlûm bi tewirê xo yê cuye û tekoşînî yê tûjî bîyî gerîlayê Apogîrî yê nimûneyî. Ma sere de keyeyanê nînan ê ercîyayeyan rê, pêro şarê Kurdîstanî yê welatperwerî rê serweşîye wazenê. Ma ancî soz danê ke vîrameyîşanê şehîdanê xo mîyanê têkoşînê xo de bidê ciwîyayene.
Nasnameyê embazanê ma yê şehîdan wina yê:
|
|
Nameyê Qodî: Hogir Pîrosî Name û Peyname: Halîl Yîgît Cayê Bîyayîşî: Şirnex Maye-Pî: Zulfuye – Hasan Tarîx û Cayê Şehadetî: 6ê Êlula 2023yî / Garê |
|
|
Nameyê Qodî: Mazlum Partizan Name û Peyname: Muhammed Reşîd Cayê Bîyayîşî: Efrîn Maye-Pî: Nerîmane – Seydo Tarîx û Cayê Şehadetî: 6ê Êlula 2023yî / Garê |
Embazê ma Hogir qezaya Elkê ya Şirnexî de dadîya xo ra beno. O wextêk xebatanê xopawitişî de erd keno û şaristan de bi hawayêkê aktîfî erkanê xo ano ca.Embaz Hogir 2010 de verê xo dano koyanê Kurdîstanî. O 2016 de xoverdayîşê xoîdarekerdişî yê Silopîya de cagêno û 2017 de ancî agêreno koyanê Cûdîyî. Dima o Herêmanê Pawitişî yê Medya de perwerde vîneno.Embaz Hogir tim bi dîsîplînî û qerardarî erk û mesuldarîyanê xo ano ca û embazanê xo rê zî beno nimûne.
Embazê ma Mazlûm qezaya Recoyî ya Efrînî de dadîya xo ra beno. O wextêk vera DAÎŞî Rojawan de têkoşîn keno û dima 2016 de verê xo dano koyan. Şehadetê kekê xo ra dima o hîna zaf hêrs beno û têkoşînê xo aver beno. Embaz Mazlûm 2019 de xoverdayîşê Girê Sipî û Serêkanîyê de cagêno. O bi kesayet û samîmîyetê xo beno mazharê heskerdiş û hûrmetê pêro embazanê xo. Embaz Mazlûm tim perwerê gerîlayan, partîya ma û Rayber Apoyî beno û dima tewrê karwanê şehîdan beno.''
