Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:

''Embazê ma Hogir û Ronî 22yê tebaxa 2024î de Metîna de, hêrişê dişmenî de şehîd bîyî. Embazanê ma Hogir û Ronîyî seba pawitişê şarê ma pêro erk û mesuldarîyê xo bi serkewtişî ardî ca. Ma soz danê vîrameyîşê embazanê xo Hogir û Ronîyî têkoşînê xo yê azadîye de heta peynî bipawê.

Embazanê ma Hogir û Ronîyî bi erjanê ke dayê têkoşînî nameyê xo tarîxê azadîye ser de nuşt. Ma sere de keyeyanê înan ê ercîyayeyan rê pêro şarê ma yê Kurdîstanî rê serweşîye wazenê.

Nasnameyê embazanê ma yê şehîdan wina yê:

Embazê ma Hogir qezaya Licê ya Amedî de dadîya xo ra beno. O hêverî tewrê xebatanê ciwanan beno, 2013 de zî tewrê gerîlayan beno.  O wextêk Amed de erk keno, dima derbazê Herêmanê Pawitişî yê Medya beno. Embaz Hogir perwerdeyê xo bi serkewtişî qedîneno. O xoverdayîşê vera DAÎŞî de cagêno.  Dima agêreno Herêmanê Pawitişî yê Medya. Embazê ma vera pêro hêrişanê dewleta tirke bi xurtî xo ver dano û şehîd beno. O bi kesayetê xo beno temsîlkarê milîtanîya Apogîran. 

Embazê ma Ronî şaristanê Ciwanroyî yê Rojhelatê Kurdîstanî de keyeyêkê yarsanîyan de dadîya xo ra beno. O ciwanîya xo de PKKyî şinasneno û cigêrayîşan ra pey verê xo dano koyan. O cade adapteyê cuya gerîlayan beno û perwerdeyê xo bi serkewtişî qedîneno. Embazê ma Ronî bi hawayêkê bêteredutî têkoşîn keno. O Metîna de vera îşxalkeran bi xurtî şer keno û refanê vernîyan ê cepheyê şerî de cagêno. Embazê ma bi şehadetê xo beno raştîya milîtanîya Apogîran.''