Merkezê Îrtîbatî û Çapemenîye yê HPGyî da zanayene ke di gerîlayê ke qezaya Licê ya Amedî de 10ê gulane de şehîd bîyê, Dilgeş Zagros (Serhat Yalçin) û Bawer Korkmaz (Murat Aslan) ê û nasnameyê înan eşkera kerdî.

Eşkerayîye wina ya:

''Rejîmê AKP-MHPyî yo faşîst vera hêzanê ma hêrişanê xo rê dewam keno. 10ê gulana 2023yî de qezaya Licê ya Amedî de operasyonê veera hêzanê ma de tay pêkewtişî qewimîyayî û warê şerî pê helîkopteran bi giranî dîya bombayan ver. Nê pêkewtişan de fermandarê ma yê ercîyayeyî Dilgeş Zagrosî û embazê ma Bawerî bi fedayîtî heta peyênî vera dişmenî şer kerd û şehîd bîyî. Nê wird embazê ma zî bîyî wayîrê têkoşînê bêmabên û serkewteyî û Menga Şehîdan de şehîd bîyî. Nê wird embazanê ma zî sey milîtananê Apogîran ê bêhempayan tarîxê azadîye de cayê xo girewt.

Ma sere de keyeyanê embazanê xo yê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Dilgeş Zagros

Name û Peyname: Serhat Yalçin

Cayê Bîyayîşî: Colemêrg

Maye-Pî: Cemîle – Selîm

Tarîx û Cayê Şehadetî: 10ê Gulana 2023yî / Amed

 

Nameyê Qodî: Bawer Korkmaz

Name û Peyname: Murat Aslan

Cayê Bîyayîşî: Wan

Maye-Pî: Hanime – Mustafa

Tarîx û Cayê Şehadetî: 10ê Gulana 2023yî / Amed

 

Embaz Dilgeş qezaya Çelê ya Colemêrgî de dadîya xo ra beno. Embaz Dilgeş cigêrayîşan ra pey 2010 de tewrê gerîlayan beno. Embaz Dilgêş pê perwerdeyan xo aver beno û o vera hêrişanê DAÎŞî xo ver dano. Dima agêreno koyan û 2015-2017 de Zap de serkêşîya têkoşînî keno. Embaz Dilgeş 2018 de zî sey fermandarêkî Efrîn de vera hêrişanê îşxalî xo ver dano. Emba Dilgeş wexto ke newe ra agêreno Herêmanê Pawitişî yê Medya waştişê xo ser o derbazê Vakurê Kurdîstanî beno. Embaz Dilgeş Eyaletê Amedî de pêro erk û mesuldarîyanê xo bêkêmasî ano ca, serkêşîya têkoşînî keno, derbanê giranan dano dişmenî û şehîd beno. Ma do pêro armancanê Fermandar Dilgeşî bîyarê ca.

Embaz Bawer Wan de dadîya xo ra beno. Embaz Bawer 2016 de verê xo dano koyan û beno gerîla. O Amed de dest pê gerîlatîye keno. Embaz Bawer tim keno ke xo aver beno û tecrubeyanê xo embazanê xo de pare bikero. Embaz Bawer Eyaletê Amedî de hem pê kesayetê xo hem zî pê milîtanîya xo beno mazharê heskerdişê embazanê xo. Embaz Bawer 10ê gulane de pa embaz Dilgeşî beno şehîd. Ma şexsê embaz Bawerî de soz danê ke xeyalê azadîye yê pêro şehîdan bîyarê ca.''