Merkezê Îrtîbatî û Çapemenîye yê HPGyî bi eşkerayîyêke nasnameyê 3 şehîdan eşkera kerdî. Eşkerayîye wina ya:

''PKKyo ke serkêşîya Rayber Apoyî de aver şîyo û temsîlîya îradeyê şarê ma keno, şarê ma qirkerdişî ra açarnayo apey û bîyo hêvîya azadîye yê pêro bindestan. Bêguman no rayraşîyayîşê xeta fedayîtîye netîceya kedanê bêsînoran ê şehîdanê ma de vejîya werte. Embazê ma vera hêrişanê îşxalî yê dewleta tirke binê her şertî de xo ver danê, bedenanê xo kenê tirs û erdê Kurdîstanî yê bimbarekî heta peynî pawenê. Înan bi nê hawayî îradeyê Apogîran o bêmexlûb zî mojna dinya. Çeleyê 2023yî de embazanê ma Fîraz, Arnos û Dildarî heta nefesê xo yê peyênî, seba ameyoxê azadî yê şarê ma têkoşîn kerd û pey de mîrasêkê xoverdayîşî yo mende verda. Vîrameyîşê nê ewladanê artêşa fedayîye hertim do mîyanê têkoşînê ma de biciwîyê û verê ma roşnî bikerê.

Ma sere de keyeyanê înan ê ercîyayeyan rê, pêro şarê welatperwerî yê Kurdîstanî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Fîraz Zîlan Name û Peyname: Nêçîrvan Seven Cayê Bîyayîşî: Colemêrg Maye-Pî: Şukrîye – Hamît Tarîx û Cayê Şehadetî: 10ê Çeleyê 2023yî / Herêmê Pawitişî yê Medya

Nameyê Qodî: Arnos Nûda Name û Peyname: Arjen Dînçer Cayê Bîyayîşî: Îstanbul Maye-Pî: Sureyya – Salîh Tarîx û Cayê Şehadetî: 10ê Çeleyê 2023yî / Herêmê Pawitişî yê Medya

Nameyê Qodî: Dildar Wan Name û Peyname: Şehabettîn Dursun Cayê Bîyayîşî: Wan Maye-Pî: Neherî – Selahatîn Tarîx û Cayê Şehadetî: 10ê Çeleyê 2023yî / Herêmê Pawitişî yê Medya

Embaz Fîraz Colemêrg de dadîya xo ra beno û Gever de beno pîl.  Embaz Fîraz wextê hêrişanê DAÎŞî de, 2015 de zanîngeh verdeno û Çewlîgî ra tewrê gerîlayan beno. O dima derbazê Herêmanê Pawitişî yê Medya beno û Metîna de perwerde beno. Dima o tewrê Hêzanê Taybetan beno. Embaz Fîraz bi tewrbîyayîşê xo yê fedayî beno milîtanêko serkêş ê Rayber Apoyî. Embaz Fîraz heta şehadetê xo sey serkêşî têkoşîn keno. 

Embaz Arnos keyeyêkê wanijî de Îstanbul de dadîya xo ra beno. O ciwanîya xo de tewrê xebatan beno û serrgêra Komployê Mîyanneteweyî 9ê teşrîna verêne ya 2015î de tewrê gerîlayan beno. O Avaşîn de perwerde vîneno, dima derbazê Qendîlî beno. Embaz Arnos 2018 de tewrê Hêzanê Taybetan beno. Embaz Arnos pêro erk û mesuldarîyanê xo bêkêmasî ano ca. Sey têkoşînê ci şehadetê embaz Arnosî zî do tim ma rê serkêşîye bikero.

Embaz Dildar Wan de dadîya xo ra beno.  Embaz Dildar verî 2014 de wazeno şorî koyan la tay meseleyan ra nêeşkeno. La 2015 de bi qerardarî o verê xo dano koyanê azadan û beno gerîla. O dima Metîna de perwerdeyê verênî vîneno û xo aver beno. Embaz Dildar 5 serran Metîna de têkoşîn keno û dima Zap de tunelanê şerî de xo ver dano. Embaz Dildar Zap de zî milîtanîya fedayîye xo rê keno esas û heta nefesê xo yê peyênî wina têgêreno.''