Merkezê Îrtîbatî û Çapemenîye yê HPGyî nasnameyê 3 şehîdanê ke tarîxanê cîyayan de şehîd bîyê eşkera kerdî. 

Eşkerayîye wina ya:

Rixmê hêrişanê giranan ê artêşa tirke ya kolonyalîste zî Vakurê Kurdîstanî de têkoşînê ma yê azadîye bêmabên dewam keno. Gerîlayê azadîye îmkanêkê qijî zî seba azadîya şarê ma şuxilnenê û her firsendî de derbanê giranan danê dişmenî ro. Gerîlayê ke bi fedakarî têkoşîn kenê, Dêrsimî ra heta Botanî Vakur de adirê xoverdayîşî berz kenê. Şertanê şerî ra eşkerakerdişê nasnameyanê tay şehîdanê ma keweno erey. Coka newe qetî bîyo ke e fermandarê ma yo qehreman Rêzan Berfro tebaxa 2018î de Dêrsim de, embaze Raperîne Devrîm 4ê temmuza 2022yî de warê Kato Jîrka yê Botanî de û embaz Hîvdar Egîd 2022 de Dêrsim de şehîd bîyê.

Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Embaz Rêzan Mêrdîn de dadîya xo ra beno la tedayanê dewlete ra keyeyê ci koçê Konya keno. Embaz Rêzan ciwanîya xo de tewrê xebatan beno û di reyî tepişîyeno. Embaz Rêzan 2002 de vera Komployê Mîyanneteweyî tewrê gerîlayan beno. O Qendîl de perwerdeyê verênî vîneno, 2003 de derbazê Dêrsimî beno. 8 serran Dêrsim de têkoşîn keno û dima Akademîya Hakî Karerî de perwerde vîneno. Embaz Rêzan 2014 de Heftanîn de fermandarîye keno û 2015 de reyna agêreno Dêrsim. Embaz Rêzan Dêrsim de têkoşînêkê xurtî keno. O 2018 de wexto ke erkê xo ser de bîyo dişmenî de pêkeweno û beno şehîd. 

Embaze Raperîne Êlih de dadîya xo ra bena.  Embaze Rapetîne 14ê hezîrana 2018î de Botan de vera asîmîlasyon û qirkerdişê dewleta tirke tewra gerîlayan bena. A cade cuya koyan musena û xo bi lezî perwerde kena. Embaze Raperîne 2018, 2019, 2020, 2021 û 2022 de bi hawayêkê bêemanî têkoşîn kena. A Katoyan ra heta Kêla Memê xo ver dana û pêro mesuldarî û erkanê xo bêkêmasî ana ca. A Kato Jîrka de wexto ke erkê xo ser de bîye hêrişê dişmenî de bena şehîd. Ma do mîrasê aye yê têkoşînî ser bivisnê.

Embaz Hîvdar Sûrê Amedî de dadîya xo ra beno. Embaz Hîvdar hêverî xebatanê ciwanan de cagêno û Şorişê Rojawanî ra dima Amedî ra tewrê gerîlayan beno. Embaz Hîvdar perwerde ra dima derbazê Dêrsimî beno. Embaz Hîvdar Dêrsim de bi fedakarî û çêrî erkan gêno xo ser, têkoşîn keno û çalakîyanê vera dişmenî de bi aktîfî têgêreno. Embaz Hîvdar pê têkoşîn û kesayetê xo embazanê xo rê beno mîsal û serkêş. Ma şexsê embaz Hîvdarî de soz danê ke xeyalanê embazanê xo yê şehîdan bîyarê ca.''