Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî. Eşkerayîye wina ya:

''14ê teşrîna peyêne ya 2019î de hêrişê dişmenî yê vera Herêmanê Pawitişî yê Medya de embazê ma Xemgîn, Xwînrêj û Rêber şehîd bîyî. Ma embazanê xo serrgêra şehadetanê înan de bi rêz û minetî yad kenê.

Embazê ma Xemgîn, Xwînrêj û Rêber her xa de bîyî nameyê şer û cuya fedayîye. Ma soz danê ke têkoşînê embazan Xemgîn, Xwînrêj û Rêberî bi serkewtişî tacîdar bikerê. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. 

Nasnameyê embazanê ma yê ercîyayeyan wina yê:

Embazê ma Xemgîn Geverê Colemêrgî de dadîya xo ra beno. O hêverî tewrê xebatanê ciwanan beno û dima wextê hêrişanê DAÎŞî de tewrê gerîlayan beno. O Herêmanê Pawitişî yê Medya de  perwerde vîneno. Embazê ma Xemgîn pêro erkanê xo rixmê şertanê zehmetîyan zî ano ca û bi îradeyê Apogîrî têgêreno. O bi nê hawayî tarîxê têkoşînî de cayê xo gêno. Ma soz danê ke vîrameyîşê ey tim bipawê.

Embazê ma Xwînrêj qezaya Silopîya ya Şirnexî de dadîya xo ra beno. O tim keweno peyê cigêrayîşan û wextê hêrişanê DAÎŞî de 2014 de, bi qerardarî verê xo dano refanê gerîlayan. O bi moral û coşî perwerdeyê xo qedîneno. Embazê ma Xwînrêj pratîkêkê serkewteyî mojneno ra û bi hesasîyetî pêro erk û mesuldarîyanê xo ano ca. Embazê ma Xwînrêj bê teredutî şer keno û şehîd beno. Ma do alaya ey a têkoşînî tim berz bikerê.

Embazê ma Rêber Colemêrg de sey ferdêkê eşîra Pinyanîşî dadîya xo ra beno. O hêverî tewrê xebatanê ciwanan beno. Dima 2015 de o tewrê gerîlayan beno. O Herêmanê Pawitişî yê Medya de bi xurtî perwerdeyê xo temam keno. Embazê ma bi tecrubeyanê xo vera dişmenî ler keno. O bi fedakarî têkoşîn keno û qet yew  erkî ra xo apey nêgêreno. Embazê ma bi Rêber bi qehremanî şehîd beno. Ma soz danê ke vîrameyîşê ey tim bipawê.''