Merkezê Îrtîbatî û Çapemenîye yê HPGyî nasnameyê hîrê şehîdanê Guherzê eşkera kerdî. Eşkerayîye wina ya:

‘’22yê sibata 2025î de ma dabi eşnawitene ke hîrê embazê ma nêzdîyê dewa Guherzê ya Amedîyê de netîceya dafikêka namerde de şehîd bîyê. 20ê sibate de embazê ma Xebat, Egîd û Goran wexto ke erkê xo ser de bîyî, hêrişê hewayî de birîndar bîyî. 21ê sibate de embazanê ma waşt ke cayê xo bibedilnê, înan nêzdîyê Guherzê de cewabê hêrişê namerdî da û rixmê birînanê xo şer kerd. Embazanê ma bi guleyanê xo cewabê hêrişê namerdî da. Embazêkê ma bi giranî birîndar bibi û xo ser de bomba teqna. Embazê ma Xebat, Egîd û Goran ê ke temsîlkarê xeta Apogîre bîyê tîya de şehîd bîyî.

’Embazanê ma her hela xo daye têkoşînî û ê hetê embazanê xo ra bi kesayetê xo yê şerwan, kedkar û nefsqijî şinasîyayî. Ma embazanê xo yê fedayîyan Xebat, Egîd û Goran bi minet û hûrmetî yad kenê. Sere de keyeyanê înan rê ma pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Xebat Bawer Name û Peyname: Yilmaz Erdemcî Cayê Bîyayîşî: Sêrt Maye-Pî: Perihane – Yahya Tarîx û Cayê Şehadetî: 21ê Sibata 2025î / Amediyê, Guherzê

 

Nameyê Qodî: Egîd Botan Name û Peyname: Armin Kuwik Cayê Bîyayîşî: Kamyaran Maye-Pî: Ronake – Salim Tarîx û Cayê Şehadetî: 21ê Sibata 2025î / Amediyê, Guherzê

 

Nameyê Qodî: Goran Dêrsîm Name û Peyname: Hemed Hasan Nuweydis Cayê Bîyayîşî: Til Koçer Maye-Pî: Şiha – Hasan Tarîx û Cayê Şehadetî: 21ê Sibata 2025î / Amediyê, Guherzê

 

Embazê ma Xebat Sêrt de dadîya xo r abeno. O wextêk xebitîyeno, destek dano keyeyê xo û hêrişanê DAÎŞî ra dima 2015 de Botanî ra tewrê gerîlayan beno. Embazê ma Herêmanê Pawitişî yê Medya de perwerde bînneo û vera DAÎŞî şer keno. O 2018 de tewrê Hêzanê Taybetan beno. Embazê ma Xebat bi taybetî Herêma Şehîd Delîlî ya Rojawanê Zapî de performansêkê xurtî mojneno ra û bêmabên têkoşşîn keno. Embazê ma tim goreyê erjanê partîya ma ciwîyeno û şehîd beno.

 

Embazê ma Egîd Kamyaranê Rojhelatê Kurdîstanî de dadîya xo ra beno. Embazê ma ciwanîya xo gerîlayan şinasneno û 2016 de verê xo dano koyan. O cade adapteyê koyan beno û perwerdeyê xo keno temam. O tewrê Hêzanê Taybetan beno û Eyaletê Şehîd Delîl Zagrosî de erk keno. Embazê ma Egîd xeylê çalakîyanê serkewteyan û hemleyanê şorişgêran de cagêno û bi moralê xo embazanê ma rê beno mîsal. Embazê ma Egîd peyê xo de mîrasê têkoşînî yê pîlî verdano.

 

 

Embazê ma Goran Til Koçerî yê Rojawanê Kurdîstanî de dadîya xo ra beno. O dima ke raştîya têkoşînî mîyanê Şorişê Rojawanî de fam keno, 2017 de tewrê gerîlayan beno. Embazê ma Goran cade bi xurtî vera hêrişanê îşxalî yê dişmenî dest pê têkoşînî keno. Embazê ma Goran tim pêro erk û mesuldarîyanê xo bêkêmasî ano ca. O bi taybetî herêma Zapî de bi xurtî xo ver dano. Embazê ma Goran tim sing bi singî vera dişmenî şer keno û bi nê hawayî Amedîyê de şehîd beno.’’