Merkezê Îrtîbatî û Çapemenîye yê HPGyî bi eşkerayîyêke nasnameyê çar şehîdanê Kato Marînosî eşkera kerdî.

Eşkerayîye wina ya:

''Gerîlayê azadîye sey her çaxê têkoşînê azadîye ewro zî bi fedakarîyan seba ameyoxê şarê ma vera dewleta tirke ya kolonyalîste şerê xo rê dewam kenê. Gerîlayanê azadîye vera hêrişanê bêmabênan ê dişmenî xoverdayîşo destanwarî kerd û reyna planê dişmenî pûç kerdî. Gerîlayî binê her şertan de zî vera dişmenî wayîrê tewirê biîrade û bêtawîz ê. No xoverdayîşo destanwarî dişmenî keno teng. Bêguman no xoverdayîş xêrê fedakarîyanê şehîdanê ma yê qehremanan ra yeno kerdene.

Embazanê ma Masîro, Rojhat, Kawa û Rosîda warê Wanî de pê fedakarîyanê pîlan derbê giranî dayî dişmenî ro. Nê embazanê ma her şertî de tewirê azadîye de israr kerd û 8ê tebaxa 2022yî de warê Marînosî de şehîd bîyî.

Nê embazê ma têkoşînê azadîya şarê ma de sey yew meşale rayîrê ma roşnî kenê. Ma soz danê ke têkoşînê xo serkêşîya înan de bi serfîrazî tacîdar bikerê. Sere de keyeyanê înan ê ercîyayeyan rê ma pêro şarê welatperwerî yê Kurdîstanî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Masîro Deniz Cûdî Name û Peyname: Zîyaddîn Onat Cayê Bîyayîşî: Wan Maye-Pî: Kiymete – Nusret Tarîx û Cayê Şehadetî: 8ê Tebaxa 2022yî / Wan

Nameyê Qodî: Rojhat Kurtay Name û Peyname: Ramazan Yeşîl Cayê Bîyayîşî: Wan Maye-Pî: Rezbare– Nurettîn Tarîx û Cayê Şehadetî: 8ê Tebaxa 2022yî / Wan

Nameyê Qodî: Kawa Evrim Name û Peyname: Kaya Musalu Cayê Bîyayîşî: Xoy Maye-Pî: Gulsine – Behçet Tarîx û Cayê Şehadetî: 8ê Tebaxa 2022yî / Wan

Nameyê Qodî: Rosîda Dîcle Name û Peyname: Zîlane Duman Cayê Bîyayîşî: Wan Maye-Pî: Remzîye – Alî Tarîx û Cayê Şehadetî: 8ê Tebaxa 2022yî / Wan

Embaz Masîro keyeyêkê botanijî de Wan de dadîya xo ra beno. O verî xebatanê ciwanan de cagêno, çend reyî yeno destbendkerdene û 2013 de tewrê gerîlayan beno. O verî Zap û Xakurkê de gerîlatîye pratîze keno. 2014-2015 de o vera DAÎŞî şer keno û dima agêreno koyan. Embaz Masîro derbazê Wanî beno û sey fermandarêkî pê tecrubeyanê xo embazanê xo rê serkêşîye keno. O tewrê xeylêk çalakîyanê serkewteyan beno û tim hêrsê xo yê vera dişmenî eşkera keno. Ma do xeta ey a xoverdayîş û serfîrazîye bi serkewtişî tacîdar bikerê.

Embaz Rojhat Wan de dadîya xo ra beno. Embaz Rojhat şehadetê merdimê xo ra dima 2015 de tewrê gerîlayan beno. O Mexmûr û Kerkûk de vera DAÎŞî şer keno û dima ke erkanê xo bi serkewtişî ano ca verê xo dano koyanê azadan. Embaz Rojhat sey gerîlayêkê marîfetînî û fermandarêkê serkêşî derbazê Wanî beno. O xeylêk çalakîyan de bi hawayêkê aktîfî ca gêno, derbanê giranan dano dişmenî ro û tim beno mazharê hûrmet û heskerdişê embazanê xo. Ma do vîrameyîşê ey tim mîyanê têkoşînê xo de bidê ciwîyayene.

Embaz Kawa şaristanê Koyî yê Rojhelatê Kurdîstanî de dadîya xo ra beno. O verî xebatanê ciwanan keno, yeno destbendkerdene û 2016 de wextê xoverdayîşê xoîdarekerdişî de tewrê gerîlayan beno. O verî Heftanîn de gerîlatîye pratîze keno û beno wayîrê tecrubeyan. O Heftanîn de tewr vernî de şer keno û waştişê xo ser o derbazê warê Wanî beno. Embaz Kawa tîya de zî derbanê giranan dano dişmenî ro û beno milîtanêko serkêş. Embaz Kawa têkoşînê ma de tim do rayîrê ma roşnî bikero.

Embaze Rosîda keyeyêkê colemêrgijî de Wan de dadîya xo ra bena. Embaze Rosîda binê tesîrê îdeolojîya azadîya cinîyan a Rayber Apoyî de manena û 2014 de tewra gerîlayan bena. A sere de Xakurkê, Xinêrê, Garê xeylêk waran de gerîlatîye kena û sey milîtanêka marîfetîne ya YJA-Starî derbazê warê Botanî bena. Botanî ra zî derbazê MEtîna bena û vera îşxalkeran şer kena. Embaz Rosîda perwerdeyan ra dima Wan de wezîfedar bena. A pêro waranê têkoşînî sey milîtanêka YJA-Starî têkoşînê şehîdanê bêmergan kena. ''