Merkezê Îrtîbatî û Çapemenîye yê HPGyî nasnameyê Sîbele Çelîk (Tavîne Têkoşîn)a ke Besta de şehîd bîya eşkera kerd.

Eşkerayîye wina ya:

''5ê sibata 2023yî de ma eşkerayîya xo de dabî zanayene ke artêşa îşxalkere 21ê çeleyê 2023yî de Besta de operasyonêko hîra kerdo û 22-23yê çeleyî de zî mabênê hêzanê ma û îşxalkeran de pêkewtişê giranî qewimîyayê. Ma dabi zanayene ke nê pêkewtişan de embaze Nûda (Zozane Ocal) 23yê çeleyê 2023yî de şehîd bîya. La dima ame qetîkerdene ke embaze Nûda şehîd nêbîya, erkê xo ser de ya la embaza ma Tavîne Têkoşîn nê pêkewtişan de şehîd bîya. Ma na xeletîye ra semed keyeyê embaze Nûda ra û şarê ma ra uzrê xo wazenê.

Embaze Tavîne pê kesayetê xo yê têkoşêrî û qerardarîya xo hem bîye milîtanêka nimûne ya PKK û PAJKî, hem zî bîye perwerîya welatî. Embaze Tavîne rixmo ke Ewropa de dadîya xo ra bîya û bîya pîl raştîya Kurdîstanî ra nêqerifîyaye û nê oxirî de têkoşîn kerd. No tewirê aye vurîya bi xeta têkoşînî ya ciwananê Kurdîstanî. 

Ma sere de keyeyê aye yê ercîyayeyî rê pêro şarê Kurdîstanî yê welatperwerî rê serweşîye wazenê.  

Nasnameyê embaze Tavîne Têkoşîn wina yo:

Embaze Tavîne mîyanê keyeyêkê çewlîgijî de Almanya de dadîya xo ra bena û uca de bena pîl. Rixmê ney zî embaze Tavîne wayîra kultur û ziwanê Kurdîstanî bena. A ciwanîya xo de tewra xebatan bena û 2012 de zî verê xo dana koyan, bena gerîla.

Embaze Tavîne hêverî xebatanê Komalanê Ciwanan de cagêna, perwerde vînena û dima tewra şerî bena. Embaze Tavîne wextê hêrişanê DAÎŞî de Kerkûk û Mexmûr de şer kena û sey gerîlayêka YJA-Starî rolê xo yê serkêşîye ana ca. Embaze Tavîne dima derbazê Heftanînî bena û tîya de zî çalakîyanê serkewteyan de cagêna. Embaze Tavîne Komîteya Merkezî ya PKKyî de tewra xebatan bena û pê perwerdeyan hetê îdeolojî ra xo hîna aver bena. 

Embaze Tavîne waştişê xo ser o derbazê Vakurê Kurdîstanî bena û Botan de mîyanê têkoşînî de cagêna. Embaze Tavîne pê coş, qerardarî û fedayîtî Botan de çalakîyanê serkewteyan kena û derbanê giranan dana dişmenî ro. Embaze Tavîne 21, 22 û 23yê çeleyî de warê Besta de pa embazanê xo cewab dana hêrişanê dişmenî û heta nefesê xo yê peyênî şer kena. 

Embaze Tavîne pê kesayetê xo yê durist, fedayî û samîmî embazanê xo yê têkoşînî de rêçê xorinî verdayî. Embaze Tavîne tim do pê nê taybetmendîyanê xo yê rindan bêra vîrardene û serkêşîya têkoşînê ma bikerê.''