Merkezê Îrtîbatî û Çapemenîye yê HPGyî fermandaranê gerîlayan ra Mordem Botan Dilbirîno ke êlula 2017î de, Botan de şehîd bibi, bi eşkerayîyêke yad kerd.

Eşkerayîye wina ya:

''Ewlado ercîya yê şarê Botanî, milîtano Apogîr ê têkoşînê ma û fermandaro qehreman Mordem Botan Dilbirîn 5ê êlula 2017î de Botan de şehîd bi. Ma ewladê ercîyayî yê şarê Botanî û fermandarê ma yo fedayî embaz Mordem serrgêra şehadetê ci de bi rêzdarî yad kenê.

Nasnameyê embazê ma wina yo:

Nameyê Qodî: Mordem Botan Dilbirîn

Name û Peyname: Azîz Kutlu

Cayê Bîyayîşî: Şirnex

Maye-Pî: Nesime – Abdurrahman

Tarîx û Cayê Şehadetî: 5ê Êlula 2017î / Botan

Embaz Mordem dewa Navyana Şêxan a herêma Besta ya Botanî de dadîya xo ra beno. Embaz Mordem keyeyê şêxan de beno pîl. Keyeyê embaz Mordemî tedaya dewlete ra koçê Şirnexî kerd û embaz Mordem zî uca de beno pîl. Embaz Mordem verî tewrê xebatanê ciwanan beno û seba gerîlayan karê milîsîye keno. 2008 de o tepişîyeno. Dima ke zîndanî ra vejîya 2014 de o tewrê gerîlayan beno. Embaz Mordem Besta û Cûdî de gerîlatîye pratîze keno. Embaz Mordem wextê xoverdayîşê xoîdarekerdişî de derbazê Şirnexî beno û YPSyî rê serkêşîye keno.

Dima o derbazê herêma Besta beno. O xo rê koyan de tim cuya derwîşane esas keno û pê têkoşîn, kesasey û keda xo beno mazharê hûrmet û heskerdişê embazanê xo. Embaz Mordem 5ê êlula 2017î de hêrişê artêşa tirke ya îşxalkere de şehîd beno. Têkoşînê ey do bêro mîsalgirewtene û şarê kurdî do biresno serfîrazîye.

Sere de keyeyê ci yê ercîyayeyî rê, şarê Botanî û şarê welatperwerî yê Botanî rê serweşîye wazenê.''