Platformê Demokrasî û Kede yê Dêrsimî vera talanê xoza 8ê teşrîna verêne de Meydanê Seyîd Rizayî de, bi şîarê 'Ma do ser bikewê, ma waranê cuye pawenê' do mîtîngêkî bikero. Hunermendan venga şarî da ke tewrê mîtîngî bibo.

Besere Şahîn vat: ''Eke xoza est ba ma zî est ê. Ma deyndarê xoza yê û ganî ma xoza bipawê. 8ê teşrîna verêne de meydanê Seyîd Rizayî de ma venga pêro xozaperestan û xoza danê ke tewrê têkoşînî bibê.''

Ferhat Tunçî vat: ''Hêrişê vera xozaya ma hêrişê vera nasname û erjanê ma yê. Ma vînenê ke koyanê ma rê kefen derzîyeno. Koyê Munzurî sey warê madenî ameyê îlankerdene. Bi nê hawayî yeno waştene ke Munzur bêro çinkerdene. Xozaya ma parçeyêkê mîrasê merdimîye yo. Ez venga pêro dostan û şarê Dêrsimî dana ke vera na hişmendîya talanî vajê ney.''

Denîze Deman vat: ''Pêro gandarê ma yenê qetilkerdene. Eke ma pîya vera nê talanî xo ver bidê eşkenê fîrazîyanê xo bipawê. Vera talan û qirkerdişê xoza ma venga xozaperestan danê ke 8ê teşrîna verêne de Meydanê Seyîd Rizayî de bibê.''

Pinare Aydinlar vat: ''Ma wayîrê Dêrsim û Munzurî vejîyê. Vera hişmendîya sermayedaran ma Meydanê Seyîd Rizayî de, saete 13.30 de bibê.''