Fermandarê Qerargehê Merkezê Pawitişê Şarî (MPŞ) Murat Karayilanî derheqê cuya û têkoşînê şehîd Fazil Botanî de erjnayîşî kerd. Qiseykerdişê Karayilanî ra qismêk wina yo:

''Ez fermadaro erjîyaye hemra Fazil Botanî bihurmet yad kena. Ma do çekanê şehîdan  erdî de meverdê, qesasê înan bigêrê û beyraqa înan berz bikerê. Têkoşînê ma yê heta ewro de zaf fermandar û qehremanî vejîyayî werte. Rayberîye verî şarê kurdî de cesaret û îrade afirnayî.

Eke wina nêbîyênî qehremanê sey Mazlûm Dogan, Ferhat Kurtay, Kemal Pîr, Hayrî Durmuş nêvejîyayêne werte. Hemleya 15ê Tebaxe nêbîyêne û Egîd, Zîlan, Bêrîtane, Erdal û Bedran nêvîyayêne werte.

Hemra Fazil zî hemarayêkê ma yo serkêş bi. Hemra Fazil 34 serrî semedê şorişî têkoşîn kerd, kede daye. 28 serrî bêmabên koyanê Kurdîstanî de şer rayra berd. Şeş –hewt aşmî cayê Rayberîye de mend û dima ra koyanê Kurdîstanî de, herêma Botan, herêma Behdînan, herêma Soran û xeylêk cayanê Kurdîstanî de wezîfe girewt. Bi zanayîş, tecrube, cesaret, durustîye xo xebatê muhîmî rayra berdî.

O fermandarêko neteweyî bi.

Çar leteyanê Kurdîstanî de şer kerd. Kurdîstan de vera dewletanê îşxlakeran, heme artêşan  şer kerd, serkêşîya şerî kerd. Vera DAÎŞî zî şer kerd. Bi nê şerî heme şaran rê xizmeto pîl kerd.Gama qet hêzêk vera DAÎŞî nêvindertêne, hêzê Apoyî vera ci vejîyayî. Qey? Çunke hêzê Apoyî semedê azadîya welatê xo bi ruhê fedayîtîye şer kenê. Embaz Fazil ê fermandaran ra bi ke wextanê muhîman de têkoşînî xur kenê. Yanî pêro merdimîye rê xizmet kerd. Fermandaro erjîyaye yê têgêrayîşê azadîye do çirey nêro vîrakerdene. Ewropa de şehîd bi. Semedê heme kadroyanê Ewropa nimuneyêk o. Ma do xeta şehîdanê xo de  şehîdanê şorişî yê Kurdîstanî û hemra Fazil Botanî bikerê bêmerg. Ma do bi xurtkerdişê têkoşînî vîrameyîşê înan bidê ciwîyayene.''