Endamê Komeleya Karkeran a Mezopotamya Huseyîn Arasan vizêr verê komele de hêrişê çekdarî de amebi qetilkerdene. Komîteya Karanê Teberî ya KCKyî derheqê babete de eşkerayîyêke daye. Eşkerayîye wina ya:

''9ê hezîrane de Silêmanî de ewladê şarê ma yo kedkar û têkoşêr Huseyîn Arasan bi planê hemkarî yê Parastin û MÎTî ame qetilkerdene. Welatperwerê ma yê ke zulmê dewleta tirke ra Vakurî ra şîyê Başûrî înan Komeleya Karkeran a Mezopotamya awan kerde û na komele wextêkî ra nata hedefê gefan de ya. Hukmat û selahîyetdaranê asayîşî heta nika seba pawitişê nê welatperweran erkê xo nêard ca.

 Bi taybetî Parastin û dezgehê sey ci yê ke pabesteyê PDKyî yê, nê qirkerdişan plan kenê. Hewlêr bîyo warê xonimnayîşî yê qirkeran. Na rewşe bi sereyê xo eşkera kena ke nê qirkerdişan de rolê PDKyî çendek o. PDK ajan û xayînan de hemkarîye keno û MÎTî reyde welatperweranê kurdan qir keno. MÎT PDK-Parastinî ra nêbo nêeşkeno Başûr de têbigêro. Têgêrayîşê ma do vera nê hêrişan tedbîran bigêro. Reyna Kerkûk de zî Cepheyê Tirkmenan hêrişanê winayênan keno. Ma vera na rêxistinîya terorî ya bi nameyê Cepheyê Tirkmenan hukmatê Iraqî hişyar kenê. Ma visnenê vîrî ke têgêrayîşê ma do hesabê ajanîye û kerdişanê terorî biperso.

Ma venga hêzanê Başûrê Kurdîstanî zî danê ke serrgêra 100. ya Peymana Lozanî de yewîya kurdan ser o xeylêk nîqaşî yenê kerdene. Heta nika ma vera hemkarîya PDK-dewleta tirke  venga şarê xo dabi. Heta nika xeylêk welatperwerî bi destanê nînan ameyî qetilkerdene. La hemkarîya PDK û dewleta tirke û kerdişê terorî yê Parastinî nêqedîyayî. Ganî Başûrê Kurdîstanî de destûr nêro dayene hêrişanê xayînan û hemkaran. Ma heta nika pawit ke nê qirkerdişî bêrê roşnîkerdene la tira netîce nêvejîyaye. Ma reyna venga partîyanê kurdan, dezgehan danê ke vera qirkerdişê welatperweran tewir bigêrê, tedbîran bigêrê. Qirkerdişan ra verî têbigêrê. Eke nê qirkerdişî dewam bikerê û tedbîrî nêgêrîyê ma do şarê xo bipawê û tedbîranê xo bigêrê.

Ma verê vîrameyîşê embaz Huseyîn Arasanî de bi rêzî sereyê xo anê war û hesabê nînan îşxalkeran û dezgehanê terorî ra bipersê. Ma venga şarê Kurdîstanî danê ke bi xurtî wayîrê Huseyîn Arasanî vejîyê û vera dewleta tirke ya îşxalkere û hemkarê ci PDKyî tewir bigêrê.''