Komîteya Tekîlîyanê Teberî yê KCKyî derheqê provokasyonanê ke sere de Iraq û Başûrê Kurdîstanî waranê cîya cîyayan de vera êzidîyan yene kerdene de eşkerayîye daye û nê pare kerdî:

“Seba ke êzidîyî komelo tewr kahan ê bawerî û kulturê kurdanê  tarîxî ra nata tim raştê hêrişan û qirkerdişan ameyî. Tewr peynî de tebaxa 2015î de raştê qirkerdişê DAÎŞî ameyî ke heme dinya seyer kerd. Dîmenê nê qirkerdişî vîrê heme dinya de cayê xo genê. Rixmo ke êzidîyî raştê her qeyde hêrişan ameyî  hem estbîyayîşê xo hem zî herra xo pawete. Êzidîyan çirey hêrişê şaranê bînan nêkerd.

Rojanê peyênan de serê de Iraq û Başûrê Kurdîstanî waranê cîya cîyayan de vera şarê êzidîyan plankerde yeno waştene ke  provokasyonî bêrê averberdene. Grûbêka iraqije ke ame ardene û Şingal ke tîya bêro cakerdene, mîyanê ci de çeteyî û paştgêrê DAÎŞî bibî. Vera nê êzidyî wiriştê payan ser û hêzanê Îraqî nê kesî destbend kerdî  û problem ame çereserkerdene.  Rixmê nê vera êzidîyan rojanê peyênan de kampanyaya lînçî yena rayraberdene. Xeberanê xeletan sey “şarê êzidî camî tafînayê û hêrişê sunîyan kerd” şarê Şingalî sey hedefî yeno mojnayene. Yeno vengdayene ke wa vera kampanê êzidîyan hêriş bêro kerdene. Tewirê winayên bitehluke yê, nînê qebulkerdene.

Heta nika heme berpirsîyarîyêkê Başûrî derheqê na babete eşkerayîye nêdaya. Heta paştî danê tewirê hêrişî yê vera êzidîyan.  Êzidîyê ke hêrişê DAÎŞî ra remayî şîyî Başûr û tîya kampan de manenê, destûr nêdîyeno agêrê herra xo û înan rê her qeyde zext yeno kerdene. Seba ke dezgehanê demoratîkan ê şarî vila bikerê verê Pêkerdişê 9ê Teşrîna Verêne kerd û na rey zî nê provokasyonê leyminî fînayî dewre. Şarê Şingalî û rayapêroyîya demokratîke ya kurdan do qebul mekero. Nê provokasyon û hêrişan rayna mojna ke xoîdarekerdiş û pawitişê êzidîyan senî muhîm o. Ma veng danê ke wa her kes vera nê tewirê xo ramojno. Gerek dormeyê sîyasîyî yê Iraqî  vera na polîtîka tewirê xo ramojê û çarçeweya dîyalogî de mesele çareser bikerê. Reyna dezgehê eleqedarî yê mîyanneteweyî z gerek wayîrê şarê Şingalî bivejîyê."