Hemserekîya Konseya Rayberdişî ya KCKyî bi wesîleya 1ê Gulane veng da ke wa her kes paştî bido  Îtîfaqê Kede û Azadîye û Partîya Çep a Keske.

Mesajê Roşanê 1ê Gulane yê KCKyî ra tay cayî wina yê:

“ Ma 1ê Gulane ke roja kede, paştdayîş û têkoşînî ya karkeran  heme şaran, cinîyan, bindestan a, pîroz kenê.  1ê Gulane bi keda pîle ewro yena pîrozkerdene. 1ê Gulane semedê kedkaran û bindestan hem roşan hem zî roja têkoşîn û xoverdayîşî ya. Ma şexsê şehîdanê 1ê Gulane de he heme şehîdanê şoriş û demokrasîyî reyna yad kenê û sozê xo yê serkewtişî newe kenê.

Roja ma de rîyê modernîteya kapîtalîste ra rewşe xirabêre bîya. Bêseycîyeyîye bîya xorî, îmha  û talanê xoza zêdîyayî, feqîrîye, şer û qirkerdişî zafêr bîyî. Rewşa winayêne de 1ê Gulane dahîna muhîm a. Coka gerek 1ê Gulane bi hewayêkê xurtî bêro pîrozkerdene. Zaf muhîmo ke ercî bêrê wayîrvejîyaye û têkoşîn bêro xurtkerdene. Her wextî ra zafêr naye rê hewce est o.

Şorişê Kurdîstanî û têkoşînê şarê kurdî destpêkî ra nata azadîya û seycîyeyîye yê karkeran, kedkaran, cinîyan û şaranê bindestan wazeno. Rayber Apoyî semedê averberdişê têkoşînê sosyalîzmî xebatê xurtî kerdî, têgêrayîşê PKKyî afirna û vera serdestan têkoşîn da destpêkerdene.

1ê Gulane de paştdayîş yeno averberdene ke no zaf muhîm o. Bindestî têna pîya bi paştdayîşî eşkenê vera serdestan têkoşîn bikerê û serbikewê. Roja ma de vera modernîteya kapîtalîste yewîye û paştdayîşî rê zafêr hewce est o. Rayberanê têgêrayîşanê sosyalîstan ê Tirkîya bi tewirê xo no mojna ra. Rayber Apoyî zî tewirê paştdayîşê Denîz, Mahîr û Îbrahîman da domnayene û semedê têkoşînê hemparî yê şarê kurdî û şaranê Tirkîya keda pîle daye. Têgêrayîşê ma wazeno ke wa şarê Rojhelatê Mîyanênî têkoşînê hemparî de bêrê têhet.

Îtîfaqê Kede û Azadîye yo ke hetê şarê kurdî û hêzanê şorişgêr û demokrasîyî yê Tirkîya ra ame ronayene, semedê paştdayîşî gamêka zaf muhîm a. Verê ma de weçînitiş est o. Vera îqtîdarê AKP-MHPyî îtîfaqê Kede û Azadîye serkewtişêko muhîm o. Ma veng danê ke wa her kes bi ruhê 1ê Gulane weçînayîşan de paştî bido Îtîfaqê Kede û Azadîye û Partîya Çep a Keske û îqtîfaqê AKP-MHPyî birijno.”