Komîteya Bawerî û Şaran a KCKyî bi eşkerayîyêke Roşanê Çarşema Sor a êzidîyan fîraz kerd. Eşkerayîye wina ya:

''Şarê ma yê êzidîyan reyna Çarşema Sor pêşwazî keno. Şarê ma yê êzidîyan nê prosesî de seba azadîye xo rayîr a şinê. Bi na wesîle ma zî Çarşema Sor fîraz kenê. Reyna ma Çarşemê Serê Nîsane yê pêro kurdan zî fîraz kenê. Ma hêvî kenê ke Çarşema Sor do biba wesîleya rêxistinîyêka xurtêre, kêf û coşî. Êzidîyî reyna Çarşema Sor mîyanê xoverdayîş û têkoşînî d efîraz kenê. Şarê ma yê êzidîyan rixmê qirkerdişan zî averşîyayîşêko pîl mojna. Bi taybetî êzidîyanê Şingalî vera hêriş û gefan cewabê pîlî dayî.

Gefê qirkerdişî yê vera êzidîyan nêqedîyayo. Coka ma venga êzidîyan danê ke dezgehanê xo pîl bikerê û rêxistinîya xo xurtêr bikerê. Nê prosesî de hewcedarîya tewr pîle na ya. Bi taybetî têkoşînê vera xayîn û hemkaran zaf hewce yo. Fermanê 74. mojna ma ke ancax komelêko rêxistinkerde eşkeno kultur, bawerî, estbîyayîş û raştîya xo bipawo. Coka ganî bi taybetî cinîyê êzidîyî têkoşînê xo biresnê asta tewr pîle. Ganî cinîyî serkêşîya xebatanê rêxistinkerdişî bikerê.

Ma bi wesîleya Çarşema Sor wazenê îfade bikerê ke eke êzidîyî rêxistinîya xo bikerê, xo îdare bikerê û hêzanê xo yê pawitişî aver berê eşkenê cuya xo bigêrê binê garantî. Ma venga êzidîyan danê ke 2023 de rêxistinîya YBŞ-YJŞyî pîl bikerê. Ewro qewimîyayîşê Şingalî pêro êzidîyanê dinya rê bîyê nimûne. La no zî dişmenanê êzidîyan qehr keno. No zî mojneno ma ke şarê ma yê êzidîyan ser de tehlukeyê qirkerdişî dewam kenê û ganî êzidîyî rêxistinîya xo bîyarê ca.

Nê prosesê weçînayîşan de dişmenê şaran AKP-MHP seba ke bêro binvistene ganî cinîyê êzidîyî erkanê xo bîyarê ca. Nê weçînayîşê ke îmkanê hesabpersayîşî yê, seba êzidîyan do bibê îmkanê cewabdayîşî.

Êzidîyî xêrê têkoşînî ra kom bîyî. Ma pê bawer ê ke serkêşîya felsefeya Rayber Apoyî de êzidîyî wayîrê şehîdanê xo vejîyê û yewîya xo bîyarê ca. Ganî dîndarê êzidîyî zî erkanê xo yê tarîxîyan bîyarê ca. Ma bi nê hîs û fikran Roşanê Çarşema Sor reyna fîraz kenê û şehîdanê xo bi rêzdarî yad kenê. Ma soz danê ke têkoşînê şehîdan do berz bikerê.''