Hemvervatoxê Partîya Çep a Keske ya Wanî Veysî Dîlekçîyî û Hemserekê DBPyî yê Wanî Harun Okayî derheqê turê diyînî yê weçînayîşê serekkomarîye yê 28ê gulane de ANFyî rê qisey kerd.

Hemvervatoxê Partîya Çep a Keske ya Wanî Veysî Dîlekçîyî îfade kerd ke weçînayîşê 28ê gulane seba qedînayîşê tecrîdî, polîtîkayanê qeyûm û şerî û qedînayîşê xizanîye zaf girîng o. Dîlekçîyî vat: ''Ganî ma şorê sindoqan ser û verê neheqî û polîtîkayanê şerî bigêrê. Nê weçînayîşî weçînayîşê seserrî yê. Ma pê bawer ê ke şarê ma narey do şoro sindoqan ser. 28ê gulane de ma wayîrê ameyoxê xo vejîyê. Wa cinîyî şorê sindoqan ser û bikerê ke Peymana Îstanbulî abigêra. Serkewtiş do ê şarê ma bibo.''

Hemserekê DBPyî yê Wanî Harun Okayî da zanayene ke îqtîdarê AKP-MHPyî keno ke pê metodanê gemarinana ser bikewo û vat: ''Êyê ke 14ê gulane de qayîl nêbîye raye bidê ganî 28ê gulane de qetî şorê sindoqan ser. Ma 28ê gulane de nê hukmatî bivurnê û sîstemêkê şarî ronê. Ma venga şarê xo danê ke 28ê gulane de wayîrê raya xo û sindoqan vejîyo. Bi taybetî ganî şarê yê teberî raya xo bido.''