Koordînasyonê KJKyî bi eşkerayîyêke Fermandare Gulçîya Gabar û Pelşîne Newroz yad kerdî ke 2019 de Herêmanê Pawitişî yê Medya de hêrişêkê dewleta tirke ya îşxalkere de şehîd bîyî.

Eşkerayîye wina ya:

''Şorişê Kurdîstanî bi bedelanê pîlan resayo na aste. Mîyanê nê şorişî de têkoşînê cinîyan prosesanê zehmetan ra derbaz bi. Nê têkoşînî de zî bedelê giranî dîyayî. Têkoşînê ma de şehîdî hêzê kedkarî yê tewr pîlî yê. Embaze Gulçîya Gabar û Pelşîne Newroz nê rayîrî de do verê ma roşnî bikerê. 

Embaze Gulçîya keyeyêkê mêrdînijî de dadîya xo ra bîye û Mêrdîn de tewra têkoşînî bîye. Aye pêro erdê Kurdîstanî de kede daye. Embaze Gulçîya bi eşqêkê pîlî koyan ra şîye, sey nameyê xo bîye gulanê koyan ra yewe. A pê têkoşînê xo bîye şorişo esas û bîye nimûneya cinîyan ê koyan. Embaze Gulçîya Gabarî heta Vakur, Başûr û Rojawanê Kurdîstanî têkoşîn kerd. Aye waranê tewr zehmetan de têkoşînê cinîya azade vera dişmenanê faşîstan kerd. Aye rayraşîyayîşê xo yê 27 serrî de bi perwerî û heskerdişêkê pîlî şarî rê xizmet kerd. Aye mojna ger kesî ke ganî fermandar û milîtanêka cinîye senî biciwîya û têkoşîn bikera. Aye karanê leşkerîyan ra heta karanê îdeolojîkan zaf karî kerdî, her ca de mesuldarîye girewte xo ser. Embaze Gulçîyaya ke Endama Konseya Leşkerî ya YJA-Star û HPGyî bîya, bi têkoşînê xo û cuya xo bîye milîtana serkêşe ya têgêrayîşê cinîyan.

Sey Têgêrayîşê Cinîyan ê Azadan ê Kurdîstanî embaze Gulçîya bîye nameyê wedaritişê zor û zehmetîyan. Aye qasê serkêşîya artêşa cinîyan, averberdişê na artêşe rê zî zaf xîret kerd.

Embaze Pelşîne rixmo ke metropolanê Tirkîya de bîya pîl sey embaze Gulçîya bi kulturê welatperwerî û serewedaritişî yê Mêrdînî pîl bîye. Aye xeyalanê xo yê domanîye rê îxanet nêkerd û sey nameyê xo bîye gerîlayêka cinî ya ciwane.

Serrgêra 4. ya şehadetê înan de ma embazanê xo Gulçîya Gabar û Pelşîne Newroz bi rêzî yad kenê. Ma perwerîya xo ya seba nê embazan mojnenê ke wayîrê ê hêzî bîyê ke mergî ra cuyêka newîye afernaye. Ma reyna soz danê ke seba caardişê xeyalanê şehîdanê xo, her hela xo pê têkoşînî derbaz bikerê.''