Kongreya Neteweyî ya Kurdîstanî (KNK) bi wesîleya serrgêra 36. ya qrikerdişê Enfalî eşkerayîye daye û nê pare kerdî:

''Ewro serrgêra qrikerdişê Enfalî yo ke 36 serrî verî hetê rejîmê Baasî ra vera kurdan ame kerdene ke qirkerdişo tewr pîl seserre yo. Bi nê hêrişê bêdejî prosesê çînkerdişê kurdan bi nameyê Enfalî kirişîya merhaleya newî.

Rixmo ke nê qirkerdişî 36 serrî xo dima verdayî hema bi hezaran cenazayî teslîmê Kurdîstanî nêbîyî, şaro ke raştê qirkerdişî ame ci rê tazmînat nêameyo dayene. Ma sey Konreya Newteweyî ya Kurdîstanî veng danê hukmatê Îraqî û Herêma Kurdîstanî ke wa 14ê nîsane sey roja şînî bêro îlankerdene. Her cayo ke tede şarê ma raştê zulmî ameyo wa abîde bivirazîyo. Vîrardişî vera zulm û zextî wa bibê wesîleya yewbîyayîşê kurdan. Ganî welatê bînî zî Efalî sey qirkerdişî nas bikerê, semedê nê xebatan rayra berê û game bierzê.''