Rojhelatê Kurdîstanî de vizêr hêzê Komeleya Zemegkêşên Kurdistanî û Komeleya Şorişgêran kewtbî pê. Pêkewtişan de 2 pêşmergeyan dinyaya xo bedilnabî.

KNKyî derheqê pêkewtişanê mabênê hêzanê Komele de eşkerayîyêke daye û pêkewtişî şermezar kerdî.

KNKyî vat: ''Ma bi tûjî şermezar kenê ke ewladê şarê kurdî pê destê kurdan yenê qetilkerdene. Ma sey KNKyî venga pêro hêzanê Kurdîstanî danê ke bi ruhê yewîya neteweyîye têbigêrê. Pêkewtişê mabênê hêzanê Kurdîstanî teyna dişmenî rê fayde kenê.

Pêkewtişê mabenê Komele şarê kurdî û Kurdîstanî rê xizmet nêkenê la dişmenan rê xizmet kenê. KNK amade yo ke meseleyanê mabênê wird hêzan çareser bikero.''