Komelgehê Demokratîkî û Azadî yê Rojhelatê Kurdîstanî (KODAR) bi wesîleya Roşanê Ziwanê Kurdkî eşkerayîyêke daye û venga pêro kesan da ke seba ke bibo ziwanê perwerdeyî û ziwano fermî kurdkî bipawê.

KODARî bale ante ser ke dişmenê kurdan seba ke Kurdîstanî îşxal bikerê hêrişê kurdkî kenê û vat: ''Ziwanê dayîke bingeyê nasname û azadîye yo. Seba ke ziwanê xo pawenê kurdî hê payan ser de yê. 100 serrî yo bingeyê ziwanê kurdkî de vera kurdan dişmenîye yena kerdene. Kurdan rixmê pêro qedexe û tedayan zî polîtîkayê çinkerdişê ziwanî pûç kerdî. Ma venga pêro kurdan danê ke vera qirkerdişê kulturelî, seba azadîye û demokrasî wayîrê ziwanê xo vejîyê, ziwanê xo bipawê. Perwerdeyê bi kurdkî heqê şarê ma yo meşrû û tabî yo. Seba destvistişê nê heqî ma têkoşîn bikerê.''