Kombîyayîşo serrane yê Konseya Fermandarîye ya HPGyî û Komîteya Pawitişî ya PKKyî mabênê 20-27ê sibate de qewimîyayî. Konseya Fermandarîye derheqê kombîyayîşan de nê agahîyî dayî:

''Serra 2022yî bîye serra şerî ya tewr girane û hîra. Seba ke ma pratîkê şerê 2022yî biercnê, taktîkanê serkewtişî biafernê, kêmasîyan werte ra wedarnê û perspektîfê plansazîya têkoşînê serra newîye dîyar bikerê mabênê 20-27ê sibate de bi beşdarîya endamanê xo yê Konseye kombîyayîşê xo kerdî.

Kombîyayîşê ma binê prosesê erdlerzê 6ê Sibate û atmosferê dejê ci de qewimîya. Rojdemêkê ma ercnayîşê erdlerzî bi. Seke zanîyeno têgêrayîşê ma erdlerzî ra heta 10ê Sibate çalakîyê xo vindarnabî. Ma zî sey HPGyî cade tewrê na bire bîyî. La artêşa tirke no tewirê ma yo exlaqî çin hesibna û hêrişanê xo rê dewam kerd. La na bira ma hema zî dewam kena. Ma sey beşdaranê nê kombîyayîşî keyeyanê meftayanê nê erdlerzî rê serweşîye wazenê, şarê ereb, kurd û tirkî rê serweşîye wazenê, birîndaran rê şîfa wazenê. Ma venga şarê xo û hêzanê demokratîkan danê ke paştdayîşî xurt û pîl bikerê.

Serra 2022yî morê xo da tarîxê azadîye ro

Nê prosesê tarîxî û stratejîkî de ma kombîyayîşê xo kerd û têkoşînê 2022yî bi hîratî nîqaş kerd. Xeta ma ya taktîkî hetê teorîkî ra 2022 de bi pratîkê raştîya xo îsbat bîya. Nê bingeyî ser o 2022yî ra dersî ameyî girewtene. Kombîyayîşê ma bi tesîrê fedayîyanê ma yê azadîye embaze Sara û Rûkene; şehîdanê ma yê Zap, Avaşîn, Metîna, Cûdî, Gabar, Besta, Dêrsim, Serhat, Garzan û Amedî bi hewcedarîya pratîkêkê tesbîtê ci kerd ke  bi mîsalanê çêrîye yê bêhempayan û asta tewr berze ya fedayîtîye serra 2022yî morê xo tarîxê azadîye ro.

Kombîyayîşê ma yê Komîteya Pawitişî ya PKKyî û Konseya Fermamdarîye ya HPGyî îfade kerd ke nê serrî sey serranê normalan wa nêrê dîyayene, nê serrî ê krîtîk ê. Bi taybetî prosesê şerî yê Herêmanê Pawitişî yê Medya hem seba têkoşînê azadîye yê Kurdîstanî hem zî seba têkoşînanê azadîye yê şaran û doktrînê şerî yê gerîlayan dewrêko newe da destpêkerdene. Ame îsbatkerdene ke gerîlatîya modernîteya demokratîke bi Stratejîya Şerê Şarî yê Şorişgêrî eke taktîkanê şerê tunelan û tîmanê hereketînan bîyara ca, hînî warê azadî eşkîyenê bêrê pawitene. Na rewşe mîyanê hêzanê ma yê şerwan û fermandaran de bawerîya bi serkewtişî, bawerîya bi xo, qerardarîya serkewtişî xurt kerde. Coka şerê Herêmanê Pawitişî yê Medya hem seba ameyox û destkewteyanê şarê ma, hem zî seba şaranê herême û hêzanê dişmenê sîstemî  netîceyê girîngî xo de ardî. Bi zelalî eşkera bi ke seserra 2021î de gerîlayî senî eşkenê vera teknolojîya modernî xo ver bidê, vera çekanê qedexekerdeyan erdê azadî bipawê.

Ganî xopawitiş her ca de bêro xurtkerdene

Babeta 'stratejîya Şerê Şarî yê Şorişgêrî ganî bi pêroyî û yewbîyayeyî bêro kerdene' kombîyayîşê ma de tewr zaf ameye ercnayene. Şerê Şarî yo Şorişgêr yeno a mana ke krîterê exlaqî-polîtîkî mîyanê şarî de wa bêrê vilakerdene. Coka afernayîşê raştîya şerî do konseptê qirkerdişê dişmenî çin bikero. Şarê ma ganî pawitişê erdê xo seba xo, sey babetêka rûmet û estbîyayîşî bivîno. Şero ke ewro yeno kerdene şerêko normal nîyo, şerê estbîyayîş û azadîye yê şarê ma yo. Kombîyayîşê ma resa a netîce ke ganî şarê ma bi na hişmendî û mesuldarîye cuya xo rêxistin bikero, se beno wa bibo vera metodanê şerê psîkolojîkî yê dişmenî xopawitişî xurtêr bikero.

Azadîya fîzîkî ya Rayberîye tek krîterê serkewtişî yo

Seba azadîya şarê ma, ma prosesêkê winayênî de ke çarenûsî dîyar keno. Kombîyayîşê ma, bi nîqaşanê xorin û hîrayan ê 8 rojan, birê tarîxî girewtî ke nê birî seba servistişê 2023yî zaf girîng ê. Kombîyayîşê ma wextêkê winayênî de ke Komployo Mîyanneteweyî keweno serra 25. rexneyê embazîya kême reyna da, azadîya Rayberîye sey tek krîterê serkewtişî îfade kerde û bire daye ke nê esasî ser o ganî nêzdîbîyayîşê mesuldarîyan bêro kerdene.

Sey fermandar û şerwananê HPG û YJA-Starî, bi ruhê fedayî yê Apogîrî, bi ruhê şehîdanê bêmergan Sara Goyî, Rûken Zelal, Bager Gever, Avzem Çiya, Delîl Zagros, Mizgîn Ronahî, Cîger Malazgirt, Rûbar Rojhilat, Mawa Roj, Nûrî Yekta, Helbest Koçerîn, Baz Mordem, Dogan Jîrkî, Fedaî Kobanê, Têkoşer Êzidî, Karker, Rojda, Nalîn, Rahîme, Xebat, Zana, Evîndar, Aso, Harûn û Rojbînan, serê rayîrê caardişê azadîya Rayberîye û şarê ma de, ma do bi waştişêkê pîlî, bi îradeyêkê xurtî, bi bawerîyêka namexlûbe, bi îdîaya serkewtişî û bi qerardarîyêka berze ma do şorê. Serra 2023yî de ma embazanê xo rê, şarê xo rê û hêzanê demokratîkan û şorişgêran rê têkoşînê azadîye de serkewtiş wazenê.''