Komîteya Zîndanî ya PKKyî  semedê Abdulhalîm Kirtayî yo ke bado ke zîndanî ra vejîya dinyaya xo bedilnaye, mesajê serweşîye pare kerd û  nê vatî:

“Ma xebera şehadetê yewna hemrayê xo girewte ke netîceya polîtîkaya îşkence û qirkerdişa yê dewleta tirke yê vera zîndanan de, dinayaya xo bedilnaye. Şorişgêr û welatperwero gird Abdullah Kirtayo ke 30 serrî bi îradeyê xurtî têkoşîno biheybet rayra berd, netîceya problemanê nêweşîye de dinyaya xo bedilnaye. Hemrayê ma 30 serrî zîndanan de xover da û çirey verê zextê dişmenî de milê xo çewt nêkerd. Bi tewirê xo yê serkêşî dişmen qehr kerd. 30 serrî zîndananê sey îşkencexaneyan de mend û problemê ci yê muhîmî yê weşîye vejîyayî werte. Seba ke nêame tedawîkerdene nêweşîyê ci dahîna xorî bîyî. Rixmê nêweşanîyanê giranan cezaya ci ya 30 serran qedîyaye dima ra ame veradayene. Teber de rixmê heme cedhkerdişê merdiman û embazanê ci tedawîya ci aver nêşîye û 12ê gulana 2023yî de tewrê kerwanê şehîdan bi.

Şehadetê hemrayê ma Abdulhalîm Kirtanî ma ser o zaf tesîr kerd, ma zaf qehrîyayî. Ma sere de keyeyê ci yê erjîyayeyî, heme şarê xo û hemrayanê ci rê serweşîye wazenê û reyna sozê xo newe kenê ma do waştişê şehîdan biresnê serekwtişî. Bi wesîleya şehadetê nê hemrayê xo yê erjîyayeyî ma vanê ke wextê ci yo ke nê îqtîdarî ra hesab bêro persayene ke vera şarê ma polîtîkya qirkerdişî û vera zîndanan polîtîkaya îşceknceyî rayra beno. 14ê gulane semedê rijnayîşê îqtîdarê faşîstî yê AKP-MHPyî firsetêko gird o. Ma veng danê şarê xo, dostan û hetanê demokratan ke wa raya xo bişxululnê û wayîrê sindoqan bivejîyê.”