Vizêr Şingal de seba averberdiş û pawitişê sîstemê Îdareyê Xoserî yê Şingalî bi şîarê ''Bi Xemlê Nîsane, Ma do Şingalî Awan Bikerê, Xoserîye Bîyarê Ca'', Kongreya Îdareyê Xoserî yê Şingalî ya 5. kerde. Kongreya Îdareyê Xoserî yê Şingalî bi tesdîqkerdişê Peymana Komelkîye û bi weçînayîşan qedîyaye.

Kongre de Hempeymana Komelkî ya Îdareyê Xoserî yê Şingalî û Beyanname ameyî wenden.

Kongre de Cîhan Celo û Nayîf Şemo sey hemserekanê Meclîsê Xoserîya Demokratîke yê Şingalî, Hisên Sado û Xoxê Dexîl sey hetkaranê Hemserekîya Meclîsî ameyî weçînayene. Dima zî îdarekar û endamê Meclîsî ameyî weçînayene. Kongre bi slogananê “Bijî Berxwedana Şengalê” û “Şehîd Namirin” qedîyaye.

Rojdemê weçînayîşî ra dima birê ke pêşkêşê kongre ameyê kerdene tesdîq bîyî. Kongre ra çend birê esasî wina yê:

''-Hemserekê Heyetê Rayberdişî Şehîd Dijwar Feqîr sey Hemserekê Îdareyê Xoserî yê Dayîmî û Manewî do bêro îlankerdene.

-Şehîd Hesen Saît, Şehîd Îsa, Şehîd Azad, Şehîd Pîr Çeko, Şehîd Şerzat, Şehîd Agir, Şehîd Enwer, Şehîd Zagros, Şehîd Muhsin, Şehîd Brahim Derweş, Şehîd Faraşin, Şehîd Menal, Şehîd Şerwan sey şehîdanê demî û xoverdayîşî do bêrê îlankerdene.

-Şehîdê Nêweşxaneyê Sikênîyê sey sembol û rûmetê ked û welarperwerîye bêrê îlankerdene.

-Seba ke Fermanê 3yê Tebaxe sey jenosîdî bêro îlankerdene, xebat û karî do bêrê kerdene.

-Şingal seba sey herêma xoser bêra qebulkerdene pêvînayîş û dîyalogî wa bêrê kerdene.

-Projeyê Îdareyê Xoserî do sey rayîrê çareserîye bêro ercnayene û pêro pêvînayîşî nê esasî ser o wa bêrê kerdene.

-Peymana 9ê Teşrîna Verêne ya ke mabênê hukmatê Kazimîyî, PDK û dewleta tirke de îmza bîya, bi temamî do bêra redkerdene û seba ney têkoşîn bêro averberdene.

-Seba îtîfaqê şarê ma yê Şingalî kar û xebatî do bêrê kerdene.

-Seba azadîya Rayberê Şarê Kurdî Abdullah Ocalanî têkoşîn do bêro kerdene.

-Mam Zekî û Mam Beşîr sey stûnê îtîfaqê êzidîyan do bêrê şinasnayene.

-Kombîyayîşo verên ê Meclîsê Xoserîya Demokratîke yê Şingalî siba (ewro) do bêro kerdene û kombîyayîş de hemserekê Heyetê Rayberdişî yê Şingalî û dîwanê heyetê îdareyî do bêrê weçînayene.''