Yewinanê Rojhelatê Kurdîstanî  (YRK) koyanê Kurdîstanî de bi şayîyêke Newroza 2023yî pîroz kerde.  Gerîlayî bi slogananê ''Bijî Serok Apo'', ''Bê Serok Jiyan Nabe'', ''Jin Jiyan Azadî'' ameyî pêser û Newroze pîroz kerde.

Endamê Fermandarîya YRKyî Şîyar Şevgerî qisey kerd. Şevgerî vat: ''Dişmen serê gonîya ma sîyaset keno ke şarê ma qir bikero. Rixmo nê sîyasetê leyminî Têgêrayîşê Apoyî heme plananê înan betal serûbin kerdî. Ewro reyna wazenê bi destê xayînan verê têkoşînê kurdan bigêrê. Xeyrê xoverdayîşê gerîlayanê Kurdîstanî sîyaseto leymin ê dişmenî sernêkewno. Ma do bi îdeolojî û felsefeya Rayber Apoyî xo rêxistin bikerê û ser bikewê.''

Badê qiseykerdişî  gerîlayan adir fîna ta û de govende girewte. Mîyanê şayîye de gerîlayanê bi nameyê Agirî Jiyan Şer, Sîpan Ararat û Zîlan Seqiz mesajê Newroze dayî. Gerîlayan Newroze pîroz kerde û vat ê do bi ruhê xoverdayîşî yê Newroze adirê azadîye gir bikerê.